Kongolela Katende Ketu ka Undumetume—Kuŵa Jwakamucisya Jwambone mu Undumetume

Ligongo Cici Kuli Kwakusosekwa: Yesu ŵamanyililaga kusosekwa kwa kulalicila yimpepe ni mundu jwine. Jwalakwe paŵatumisyaga ŵakulijiganya ŵakwe ŵakwana 70 kuti akalalicile, ŵatumisye ŵawiliŵawili. (Luka 10:1) Mundu jwatujesile najo mu undumetume mpaka atukamucisye naga tusimene ni yakusawusya, soni mwine naga ngatukumanyilila cenene mwampaka tujanjile naga msyenenyumba atuwusisye. (Mlal. 4:9, 10) Jwalakwejo mpaka asale cakutendekwa cinecakwe cicamkamucisye, soni mwine nganisyo sine syampaka situkamucisye kulalicila mwakamula mtima. (Miy. 27:17) Jwalakwejo mpaka atulimbikasyesoni kupitila mu yakuŵeceta yakwe patukwawula kunyumba jine.​—Afi. 4:8.