Yampaka Aŵecete

Pakutandisya Lijiganyo lya Baibulo Lyakuŵeluka Lyandanda mu February

“Ŵandu ŵatukuŵecetana nawo akwete nganisyo syakulekanganalekangana pakwamba ya Baibulo. Ŵane akusakulupilila kuti Baibulo jili Maloŵe ga Mlungu, ŵane akusati jigambile kuŵa buku mpela gane gosopega. Ana wawojo akusajiwona catuli Baibulo?” Ajembeceye kuti ajanje. Amlosye ngani jajili pa peji jakumalisya ja Nsanja ya Olonda ja February 1, ni aŵecetane najo ciwusyo candanda, soni aŵalanje atamose lilemba limo pa malemba gali munganijo. Amgaŵile magasini, soni alinganye yakuwujilako kuti akatagulilane ciwusyo cakuyicisya.

Nsanja ya Olonda February 1

“Ŵandu ŵajinji akusasaka kusiwona ngondo sili simasile. Ana akuganisya kuti yili yakomboleka kutama mwamtunjelele pacilambo cosope? [Ajembeceye kuti ajanje.] Alole yagakusati Malemba pa nganiji. [Aŵalanje Salimo 46:9.] Yindu yayatendekwaga pandaŵi ja ngondo jandanda ja pacilambo cosope, soni yayatendekwe panyuma pakwe yikusatusimicisya kuti pangakaŵapa Mlungu cakwanilisye yaŵalocesye, soni camasye ngondo. Magasini aji jikutagulila yejinji pangani jeleji.”

Galamukani! February

“Tukutagulilana ni acimjetu mwakata cakusawusya caciwandile mnope. Yikuwoneka kuti ŵanduwe ngatukukola ndaŵi jakwanila jakutendela yindu yetu yosope. Ana akuganisya kuti yeleyi yikutendekwa ligongo lyakuti tukusakola yakutenda yejinji kapena lili ligongo lyakuti tukusagamba konanga ndaŵi jetu? [Ajembeceye kuti ajanje.] Ŵajinji ngakumanyilila kuti Baibulo jikusatusalila yampaka yitukamucisye kuti tukajonangaga ndaŵi jetu. Alole cisyasyo cimo. [Aŵalanje Afilipi 1:10a.] Magasini aji jikusala matala mcece gagakamucisye ŵajinji kamulicisya masengo ndaŵi jawo mwalunda.”