Yamkatimu

Kuŵa ŵakumanyilila yindu kuli kwakamucisya naga tukukamulicisya masengo yatukulijiganya. Nambo kuti tukamulicisye masengo yatukusalijiganya, tukusosekwa kuŵa ŵakulinandiya. Ngani ajino cijitukamucisye kuti tujendelecele kuŵa ŵakulinandiya mwakukuya yisyasyo ya m’Baibulo ya ŵandu ŵaŵalalicile ŵandu ŵamitundu josope, kwapopelela ŵane, soni kwembeceya Yehofa kuti atendepo kandu.

M’masiku gakumalisya gano, yili yangasawusya kutenguka ligongo lya yakusawusya ya pa umi. Yehofa soni Yesu akusatukamucisya kuti tupakombole kupilila. Nambo wosopewe tukwete ukumu wakwatondoya soni kwalimbikasya ŵane. Ngani ajino jikusala yampaka tutende kuti tulimbikasyaneje jwine ni mjakwe mwacinonyelo.

Yehofa ali Mlungu jwakusangalala jwakusasaka kuti ŵakutumicila ŵakwe aŵeje ŵakusangalala. Nambope, ana mpaka tuŵe ŵakusangalala camtuli atamose kuti tukusimana ni yakusawusya m’cilambo ca Satanaci? Pa Kulalicila kwa Petumbi, Yesu jwasasile yindu yakutukamucisya kuti tujendelecele kuŵa ŵakusangalala.

M’cilamboci ŵandu ŵakulinonyela akutupilatupilape, nambo mumpingo wa Ciklistu mwana ŵandu ŵakusanonyelana. Litala line lyakusalosya kuti akusanonyelana lili kwaganicisya ŵane. Yeleyi ni yakuyitagulila mungani siŵilisi. Ngani jandanda, citulole yakusatenda Yehofa pakwaganicisya ŵane. Kaneko citulole yampaka tutende kuti tumsyasyeje jwalakwe.