Yamkatimu

Ŵandu ŵajinji masiku agano, akusasaka kuŵa ŵakumanyika m’cilambo cakusakalaci. Ngani ajino jikusala ligongo lyakwe tukusosekwa kuŵa ŵakumanyika pameso pa Yehofa mpela muŵatendele ŵandu ŵane ŵakulupicika. Citulijiganyesoni mwaŵatendele Yehofa pakwajaliwa ŵandu ŵane m’matala ganganajembeceyaga ligongo lyakuti jwalakwe ŵamanyililaga.

Ngani ajino jikusala ligongo lyakwe mundu jwakulupicika, Mose, jwajasile upile wakwinjila m’Cilambo Celagucisye. Cijitukamucisyesoni mwampaka tuŵambalile yindu mpela yeleyi kuti yikatutendecela.

Yehofa ni juŵapanganyisye ŵandu wosope. Ni ligongo lyakwe akusasaka kuti jwalijose alipeleceje kwa jwalakwe ni mtima wosope. Ŵandu ŵane akusatenda yindu yakusakala nambo pandaŵi jijojo ali mkulosya mpela ali ŵakulipeleka kwa Mlungu. Mu ngani jandanda, citulole yatukulijiganya kutyocela ku ngani sya m’Baibulo sya ŵandu mpela Kaini, Solomoni, Mose soni Aloni. Mu ngani jaŵili, citulijiganye matala gakulekanganalekangana gampaka tulosye kuyamicila upile wapajika watukwete wakuŵa ŵandu ŵa Yehofa.