Ana Mlungu Akusasamala ya Wawojo?

Chiwulili chachili kundanda kwa magasiniji chikulosya msikana jwakutila ngosi syachilengedwe

Magasiniji ngaŵa jakusumisya. Gaŵila kwa magasiniji kuli mbali ja masengo gakwiganya Baibulo ga pachilambo chosope gagakusajenda chenene ligongo lya yakupeleka yakusaka kwa mundu. Kuti apeleche yakupeleka ajawule pa www.jw.org/yao. Naga nganitulosya Baibulo jine, Malemba ga m’Baibulo m’magasiniji gatyochele mu Baibulo ja New World Translation of the Holy Scriptures.

MAGASINI ja Sanja ja Mlonda, jikusachimbichisya Yehofa, Jwakulamulila jwa chilambo chosope. Jikusatondoya ŵandu ni ngani syambone syakuti Uchimwene wa Mlungu wakwinani pachangakaŵapa chiwutyosye kusakala kosope ni kuchichenga chilambochi kuŵa paladaiso. Jikusalimbikasyasoni ŵandu kuti akulupilileje Yesu Klistu, juŵatuwilile kuti tukole umi wangamala soni jwakulamulila apanopano mpela Mwenye jwa Uchimwene wa Mlungu. Magasiniji jiŵele jili mkukopoka kutandila m’chaka cha 1879, soni nganijiŵa jandale. Yajikusasala yikusatyochela m’Baibulo.