Yampaka atende kuti yayili m’bukuji yakamuchisye
Chandanda alole kaje yayili m’mapeji gakundanda kwa bukuji, kaneko alolele FIDIYO.
MBALI JANDANDA
Kuti akosechele lijiganyo lililyose, chandanda aŵalanje mbali jandanda. Aŵalanjesoni yiwusyo yayilembile ni yilembo yakale (A) soni malemba (B) gagagombelechesya mfundo syekulungwakulungwa. Amanyilile kuti malemba gane agalembile kuti “aŵalanje.” Akusosekwa kuŵalanga malembaga ni jwakwajiganya.
MBALI JAPASIKATI
Maloŵe gandanda pa mbali (C) jakuti Kulijiganya Yejinji gakulondesya yachalijiganye. Tumitwe (D) tukulosya mfundo jekulungwa jakambilana. Yalumo ni jwakwajiganya, aŵalanje malemba, ajanje yiwusyo soni alolele mafidiyo.
Tumabokosi twa fidiyo, tukwajigalila kwagali mafidiyo gagakulondesya yejinji panganijo. Mafidiyo gane gakusala yakutendekwa yisyesyene. Gane gali masewelo gagakulosya yindu yisyesyene yayikusatendekwa.
Alolesoni yiwulili soni maloŵe gakulondesya yiwuliliyo (E), soni aganichisye yampaka ajanje pa mbali jakuti Yakusaŵecheta Ŵandu Ŵane (F).
MBALI JAKUMALISYA
Lijiganyo lililyose likumala ni mbali jakuti Yalijiganyisye soni Yiwusyo Yakuwilisya (G). Alembe lisiku lyamalisisye kulijiganya lijiganyoli. Mbali jakuti Akole Chakulinga Achi (H), jikusala yakusosekwa kutenda kuti akamulichisye masengo yalijiganyisyeyo. Mbali jakuti Yakulinga Yinesoni (I) jana ngani soni mafidiyo yampaka asagule kuti agambe kusiŵalanga kapena kulolela.
Yamkatimu
|
|
|
|
|
Ana mpaka apate chamtuli malemba ga m’Baibulo?
Baibulo jipanganyidwe ni mabuku gamwanamwana 66. Baibuloji jikwete mbali siŵili. Mbali jandanda ŵajilembile mu Chihebeli ni Chialamayiki, (“Malangano Gakala”) mbali jaŵili ŵajilembile mu Chigiliki (“Malangano Gasambano”).
Malembaga agalembile mwakuya buku ja Baibulo (A), kaneko chaputala (B), soni kaneko fesi kapena mafesi (C).
Mwachisyasyo, Yohane 17:3 yikugopolela kuti buku ja Yohane, chaputala 17, fesi 3.