Mbali 1 Kuwilisya

Ana ni yakusangalasya yapi yajasasile Baibulo kuti yichitendekwa kusogolo?

Ana chichi chachikwatendekasya kukulupilila kuti Baibulo jili Maloŵe ga Mlungu?

Ligongo chichi akusosekwa kukamulichisya masengo lina lyakuti Yehofa?

Baibulo jikusasala kuti “umi wosope uli wa kutyochela” kwa Mlungu. (Salimo 36:9) Ana wawojo akusakulupilila yeleyi?

Aŵalanje Misyungu 3:32.

• Ligongo chichi kuŵa paunasi ni Yehofa kuli kwambone mnope?

• Ana Yehofa akusajembecheya yamtuli kutyochela kwa ŵandu ŵali najo paunasi? Ana akuganisya kuti yeleyi yili yakupikanika?

  (Alole Lijiganyo 07 soni 08.)

Aŵalanje Salimo 62:8.

• Ana ni yindu yapi yele wawojo amsalile kala Yehofa mwipopelo? Ana ni yindu yine yapi yakusaka kumsalila Yehofa mwipopelo?

• Ana Yehofa akusajanga chamtuli mapopelo?

  (Alole Lijiganyo 09.)

Aŵalanje Ahebeli 10:24, 25.

• Ana misongano ja Mboni sya Yehofa mpaka jakamuchisye chamtuli?

• Ana akuyiwona kuti yili yakusosekwa kuti atendeje yiliyose yampaka akombole kuti asimanikweje pamisongano?

  (Alole Lijiganyo 10.)

Ligongo chichi tukusosekwa kuŵalangaga Baibulo lisiku lililyose? Ana ndandanda jawo jakuŵalanjila Baibulo lisiku lililyose jili jamtuli?

Pakuŵalanga kwawo Baibulo, ana ni yindu yapi yasangalele nayo?

Ana asimene ni yakusawusya yiliyose chitandile kulijiganya Baibulo? Ana ni chichi champaka chakamuchisye kuti apitilisye kulijiganya Baibulo?