Kulingalinga Kwayika Pamtima Ŵakupikanila

Misyungu 3:1

YACITULIJIGANYE: Ŵakamucisyeje ŵakupikanila ŵawo kuti akuwoneje kusosekwa kwa yindu yakulijiganya soni kutendapo kandu.

MWAMPAKA ATENDELE:

• Ŵakamucisye ŵakupikanila kuganicisya yakulinga yawo. Awusyeje yiwusyo yakwakamucisya ŵakupikanila ŵawo kuganicisya mwakusaliwonela.

• Alosyeje kuti ŵakupikanila ŵawo akusasakaga kutenda yakuŵajilwa. Ŵalimbikasye kumanyilila ligongo lyakusatendela yindu yakuŵajilwa. Ŵakamucisye kuti atendeje yampaka akombole pakulosya kumnonyela Yehofa, acimjawo, soni yajikusajiganyaga Baibulo. Akusosekwasoni kwakamucisya kulola yindu yajikusasala Baibulo. Ngakusosekwa kutenda yampaka yakuŵasye. Mmalo mwakwatesya sooni, ŵatendekasyeje kulipikana kuti alimbikasidwe soni kuti ali ŵakoseka kutenda yampaka akombole.

• Ajiganyeje ya Yehofa. Agombelecesyeje yajikusajiganya Baibulo, yiwundo, soni malamusi gakwe. Alosyejesoni kukamulana kwakwe ni ndamo sya Mlungu soni cinonyelo cakwe kwa ŵandu. Ŵakamucisye ŵakupikanila kuganicisya mwakusapikanila Yehofa soni kutenda yindu yakumsangalasya.