LIJIGANYO 1

Maloŵe Gandanda Gakamula Mtima

Masengo 17:22

YACITULIJIGANYE: Maloŵe gandanda gaŵeje gakutesya lung’wanu. Ajimanyilileje cenene ngani jawo soni asaleje umbone wakwe kwa ŵakupikanila ŵawo.

Maloŵe gandanda gakutesya lung’wanu. Mpaka asagule kutanda ni ciwusyo, maloŵe, yakutendekwa yisyesyene, kapena ngani jilijose jampaka jiŵe jakutesya lung’wanu kwa ŵakupikanila.

Mkanipaŵe, aganicisyeje cenene yindu yampaka yatesye lung’wanu ŵakupikanila ŵawo soni yayikwalagasya nganisyo, kaneko alinganye maloŵe gandanda mwakamulana ni yeleyo.
Ajimanyilileje cenene ngani jawo. Alolecesyeje kuti maloŵe gawo gandanda gaŵeje gakamulana cenene ni ngani jawo soni cakulinga ca nganijo kwa ŵakupikanila ŵawo.
Asaleje umbone wa ngani jawo. Akoseceleje yampaka aŵecete kuti yiŵeje yakamulana ni yakusosecela ya ŵakupikanila ŵawo. Ŵakamucisyeje ŵakupikanila kupikanicisya cenene mwampaka nganijo jakamucisye pajika.

Pakukosecela ngani aliwusyeje kuti, ‘Ana acalongo acimjangu ŵa mumpingo mwangu, akusimana ni yindu yamtuli paumi wawo?’ Kaneko alinganye maloŵe gawo gandanda mwakamulana ni yeleyo.