CIWUSYO 3
Ana Mbecetaneje Mwatuli ni Acinangolo Ŵangu?
ANA WAWOJO MPAKA ATENDE YATULI?
Aganicisye ayi: Tujile kuti lisiku line kwigulo, Geoff, jwa yaka 17, amalisisye kamula masengo gakwe ga pamlango ni akusaka kupumula. Akutama pa mpando wakusawunonyela mnope ni kutanda kulolela TV.
Mwangacelewa, Babagwe akukopocela. Mwakalipa, akuŵeceta kuti,
“Geoffrey! Ligongo cici mkwamba konanga ndaŵi jenu pakulolela TV m’malo mwakumkamucisya mpwenu ya kusukulu? Kumsalila yakuti mtende, mkusatenda yenu!”
Geoff akuŵeceta mwapasipasi kuti, “Nombe baba kwanonyela yeleyi!”
Babawo akum’wusya kuti, “Mtite wuli?”
Geoff akwanga kuti, “Pangali cimbecete baba.”
Sano Babawo atumbile mnope, mwati akuŵeceta mwamacili kuti, “Mkuŵeceta yeleyo ni une? Unetu ndili baba ŵenu!”
Yikaŵe kuti wawojo ali Geoff, ana akatesile yatuli kuti yikayika pelepa?
AJIME NI AGANICISYE!
Kuŵecetana ni acinangolo kuli mpela kwendesya galimoto. Patuyiweni kuti msewu usiŵice, tukusasosa msewu wine.
Mwacisyasyo:
Msikana jwine lina lyakwe Leah ŵatite, “Yikusaŵa yakusawusya kwasalila baba ngani. Ndaŵi sine pangwasalila yindu yine, pambesi pakwe akusanonyela kuŵeceta kuti, ‘Pepani, ana paja mkuŵeceta eti?’”
LEAH MPAKA ASAGULE KUTENDA YAKUYICISYAYI.
Kwakalipila babagwewo.
Leah mpaka ajile kuti, “Baba, ngakumbikanila eti? Ayitu yili yakusosekwa!”
Kuleka kwasalila cilicose babagwewo.
Leah mpaka agambe kuleka ngasalilaga babagwewo yakusawusya yakwe.
Kwembeceya ndaŵi jambone, ni kujitandilasoni nganijo.
Leah mpaka asagule kwasalila babagwewo yakusawusya yakwe pandaŵi jine, kapena kwamba kwalembela cikalata.
Ana wawojo mpaka amlimbikasye Leah kusagula kutenda cici?
AGANICISYE AYI: Babagwe Leah akuganisya yindu yine, mwati aliŵalile yakuti mwanagwawojo akwaŵecetekasya. M’yoyo, naga Leah akusagula kutenda yayili pa A, komboleka babagwewo ngapikanicisya kuti Leah akukalipa ligongo cici. Yakuyicisya yakwe, babagwewo nganaŵa amkamucisye, soni mpaka yilosye kuti Leah ali jwamwano. (Aefeso 6:2) Kutenda yeleyi nganikuŵa kumkamucisye.
JPatuyiweni kuti msewu usiŵice, ngatukusakunda kuti tuwujile papopo. M’yoyosoni mpaka apate litala lyambone lyakuŵecetelana ni acinangolo
Kusagula kutenda yayili pa B mpaka kuŵe kwangasawusya. Nambo nganiliŵa litala lyambone. Ligongo, kuti Leah akombole kumalana ni yakusawusya yasimene nayo, akusosekwa kutagulilana ni babagwewo. Soni kuti babagwewo amkamucisye, akusosekwa kumanyilila cenene yakusimana nayo mwanagwawojo. M’yoyo, kutama jii ngaŵa mkukamucisya.
Kusagula kutenda yayili pa C, mpaka kulosye kuti Leah nganakunda kuleka kuŵecetana ni babagwe ligongo lyakuti nganampikanilaga paŵeceteje, mwampaka yiŵele ni cakusiŵa msewu. Leah akusagula yakuti atagulilane nganiji pandaŵi jine. Soni naga akusagula kulemba cikalata, nikuti mtima wakwe ciwutame pasi ndaŵi jijojo.
Kulemba cikalata mpaka kumkamucisye Leah kuti atagulile cenene yakusaka. Babagwewo pakuŵalanga cikalataco, ciyakamucisye kumanyilila yaŵeceteje mwanagwawojo, soni kupikanicisya yayikumsawusya. Kutenda yeleyi mpaka kumkamucisye Leah nambosoni babagwewo. Cinga mpaka asagule kuŵecetana nawo pameso ni pameso, kapena kwalembela cikalata, yosopeyi yili yakamulana ni yajikusasala Baibulo kuti, ‘Tutendeje yindu yakuyikasya mtendele.’—Aloma 14:19.
Ana akuganisya kuti Leah mpaka asagule kutenda cindu cine capi?
Pasipa, alembe cakuganisya kuti mpaka atende. Kaneko alembesoni yakuyicisya yakwe.
AJANJEJE YAKUPIKANIKA CENENE
Akumbucileje kuti, ndaŵi sine paŵecete yine yakwe, acinangolo ŵawo mpaka ayipikane m’litala line.
MWACISYASYO:
Acinangolo ŵawo mpaka ŵawusye ligongo lyakwe ngakusangalala. Wawojo komboleka kwanga kuti, “Pangali ligongo lililyose.”
Nambo acinangolo ŵawo mpaka apikane mpela wawojo akuti, “Ngangusinadalila. Nganimba nasalile yakusawusya yangu. Tinasalileje acimjangu.”
Tujile kuti asimene ni cakusawusya mwati acinangolo ŵawo akusaka kwakamucisya. Ni akwajanga kuti: “Akadandawula, yamwana yeleyi. Tinayikombole jika.”
Acinangolo ŵawo mpaka apikane mpela wawojo akwanjanga kuti:
Kwanga kwambone mpaka kuŵe kujila kuti: