MBALI 4

Ana Mlungu Ali Ŵani?

ŴANDU akusatumichila milungu jakulekanganalekangana. Nambo Malemba Geswela gakusajiganya kuti Mlungu jusyesyene ali jumope. Ali jwapenani mnope soni jwakutama kwandaŵi syosope. Ŵapanganyisye yindu yosope yakwinani, ya pachilambo soni ŵatupele umi. Myoyo jwalakwe jika ni jwatukusosekwa kumtumichila.

Mose anyakwile maganga gelembedwee Malamusi 10 — Chilamusi chapelechedwe kupitila mwa jwakulochesya Musa “mpela maloŵe gaŵaŵechete kupitila mwa malayika”

Mlungu akwete mena gejinji ga uchimbichimbi. Nambo akwete lina lyakwe lisyesyene. Linali lili YEHOFA. Mlungu ŵamsalile Musa kuti: “Mkasalile Ayisalayeli kuti, ‘Yehofa Mlungu, jwa achinangolo ŵawo, Mlungu jwa Abulahamu, Isaki, ni Yakobo, ni jwele jwandumile kwa jemanja.’ Lyeleli ni lina lyangu mpaka kalakala. nja.’Lyelelini linalyangumpakakalakala. Ŵandu wosope ŵakupagwa m’bujo tacingolanga Une nilinalyeleli.” (Ekisodo 3:15) Lina lyakuti Yehofa likusasimanikwa malo chiŵandika 7,000 m’Malemba Geswela. Pakwamba ya Mlungu pa Masalimo 83:18 pakusaŵecheta kuti, “Ŵawojope, lina lyawo ni Yehofa, ŵalakwe ali Ŵamwinani Mnope pachilambo chosope chapasi chino.”

Mpukutu wakuwukulidwa m’Nyasa Jewe wakola lina lya Mlungu — Buku jajasimanikwe mu Nyasa Jewe jikulosya lina lya Mlungu lyelembe payala

Pangali mundu juŵam’weni Mlungu chitandile. Mlungu ŵamsalile Musa kuti: “Ngasim’jiwona ngope jangu, ligongo pangali mundu jwampaka ambone une, ni kutama ni umi.” (Ekisodo 33:20) Mlungu akusatama kwinani, soni ŵandu ngaŵa mkupakombola kum’wona. Kuli kulemwa kupanganya kapena kutumichila milungu jakupanganyidwa, chiwilili, kapena chiwanichisyo cha Mlungu. Yehofa Mlungu ŵamsalile jwakulochesya Musa kuti: “Mkasimlipanganyicisya chindu chilichose chakusepa, atamuno kupanganya chindu chakulandanichisya ni chindu chilichose chakwinani, kapena pachilambo chapasi, kapena chindu chili m’mesi ga pasi pa cilambo. Mkasimyitindiŵalila kapena kuyipopela yeleyi, pakuŵa Une Ambuje Mlungu jwenu, nganimkunda kuti mkoleje milungu jine.” (Ekisodo 20:2-5) Ndaŵi jine Mlungu ŵaŵechete kupitila mwa jwakulochesya Yesaya kuti, “Une ndili Yehofa. Lyelelyo ni lina lyangu,soni pangali jwalijose jucinjimpa lumbili lwangu, kapena kupeleka ucimbicimbi wangu kwa mitembe jakusepa.”—Yesaya 42:8.

Ŵane akusakulupilila Mlungu. Nambo akusayiwona kuti yili yangakomboleka kummanyilila soni kuti yili yakusawusya kuŵecheta najo. Akusam’wona kuŵa jwakogoya ngaŵaga jwachinonyelo. Ana wawojo akuganisya uli? Ana Mlungu akusanonyela wawojo pajika? Ana mpaka ammanyilile, soni kuŵa najo paunasi? Kwende tulole yagakusala Malemba pakwamba ya ndamo sya Mlungu.

Msimu Weswela wa Mlungu, soni Malayika Gakwe

Ana Mlungu akusakwanilisya chamtuli chakulinga chakwe? Litala limo lyakusatendela yeleyi lili kamulichisya masengo msimu wakwe weswela. Msimu wa Mlungu nganuŵa chindu cha umi, kapena lilayika. Nambo uli machili gagakamula masengo. Machiliga gangali pakumalila soni akusagakamulichisya masengo pakusaka kwanilisya yakusaka kutenda. Mlungu ŵakamulichisye masengo machiliga pakupanganya kwinani ni chilambo chapasi. Lilemba lya Salimo 33:6 likusasala kuti, “Kwinani kwapanganyikwe ni maloŵe ga Yehofa, soni makuga gosope gakwinani gapanganyikwe ni lipuje lya pakamwa pakwe.” Lilemba lya Genesesi 1:2 likusasala kuti chilambo pachagumbele mesi, soni Mlungu paŵachilinganyaga chilambo chapasichi kuti ŵandu chatamepo, “Msimu wa Mlungu waliji mkwendajenda pachanya pa mesigo.” Kaneko Mlungu ŵakamulichisye masengo msimu wakwe weswela pakupanganya yindu yosope ya umi pachilambo chapasi.

Mlungu akusagakamulichisya masengo malayika gakwe kuti gakwanilisye chakulinga chakwe. Mlungu ŵagapanganyisye malayika kuti gatameje najo kwinani. Malayika gakwete machili mnope. Gakusapeleka utenga wa Mlungu ni kutenda masengo gane gakusosekwa. Mwambone, Malemba gakusasala kuti chilamusi chapelechekwe kupitila mwa jwakulochesya Musa mpela “utenga uŵaŵechete kulungulila [kupitila] mwa malayika.” Malayika ga Mlungu gakusakamuchisyasoni ŵakutumichila ŵa Mlungu pachilambo chapasi. Malemba gakusakolanga malayika ga Mlungu kuŵa “misimu jajikutumichila Mlungu Mlungu akusajituma ligongo lya ˆ welewo ˆ wele ˆ watacipocela ukulupusyo.”—Ahebeli 1:14; 2:2.