Meso Gawo Gaŵeje pa Mbote!

1. Pacacilola ŵangalola

Ŵangapikana kupikana,

Nambosoni mu cipululu

Mucijenda mesi nditu,

Pacacisumba ŵalemale,

Payicimala yakogoya,

Mmwejo timciyiwona ayi

Pamkulolape pambote.

2. Ŵangaŵeceta kuŵeceta,

Ŵakalambale ku ucanda,

Cilambo koposya yakulya

Yindu yiciŵa yambone.

Anyamata pakwimba nyimbo,

Mtendele uciŵa kosope,

Cimcawona ŵawe m‘kwimuka,

Naga mkulola pambote.

3. Cisuŵi kutama ni mbusi

Lisimba licilya ni ng’ombe,

Mwanace kuyilongolela,

Kwangalitu kogoyana.

Misosi yiciŵa yakala,

Yipwetesiyi yicimala,

Yosopeyi timciyiwona,

Pamkulolape pambote.