Nyimbo 14
Yindu Yosope Yiciŵa Yasambano
(Ciunukuko 21:1-5)
1. “Yimanyiloyi” yikulosya kuti
Ucimwene ukulamulila.
Yesu ali Mwenye kwinaniko,
Pamkaŵa cacilamula ŵandu.
(KOLASI)
Kwende tusangalaleje,
Yehofa ali jwambone.
Ngasipapagwa kulila kose,
Ciwa, canasa kwangali kose;
Mlungu ŵatite ‘yindu yosope,’
Yiciŵa yasambano.
2. Ŵandu alole Yelusalemujo,
Jwamkongwe jwa mwanagwe ngondolo.
Awete yakusalala mnope,
Yehofa ali kuŵala kwakwe.
(KOLASI)
Kwende tusangalaleje,
Yehofa ali jwambone.
Ngasipapagwa kulila kose,
Ciwa, canasa kwangali kose;
Mlungu ŵatite ‘yindu yosope,’
Yiciŵa yasambano.
3. Yelusalemu cacisangalasya
Ŵandu wosope cilo ni musi.
Mitundu josope jicijenda;
Kulosya kuŵala kwa Yehofa.
(KOLASI)
Kwende tusangalaleje,
Yehofa ali jwambone.
Ngasipapagwa kulila kose,
Ciwa, canasa kwangali kose;
Mlungu ŵatite ‘yindu yosope,’
Yiciŵa yasambano.
(Alolesoni Mat. 16:3; Ciu. 12:7-9; 21:23-25.)