KUPATA CHIKAMUCHISYO PATUKULAGASIKA NGANISYO
Komboleka Kukola Umi Wangali Yakulagasya Nganisyo
Lunda lwakusimanikwa m’Baibulo mpaka lutukamuchisye kuŵambala kulagasika nganisyo ni yindu yangasosekwa mnope. Pajika nganituŵa tukombwele kutyosya yosope yayikusatulagasya nganisyo. Nambo Mlungu ni jwampaka akombole. Jwalakwe amsagwile jwinejwakwe kuti atukamuchisye. Mundu jwakwe ali Yesu Klistu. Pachangakaŵapa, jwalakwe chatende yindu yejinji yambone kupundana ni yiŵatesile ali pachilambo chapasi. Mwachisyasyo:
YESU CHACHIPOSYA ŴAKULWALA MPELA MUJWATENDELE ALI PACHILAMBO CHAPASI.
“Ŵandu ŵayikaga nawo kwa jwalakwe, ŵakulwala wosope ŵaŵaliji mkulaga ni yilwele . . . , jwalakwe ŵaposyaga.”—MATEYU 4:24.
YESU CHACHITUKAMUCHISYA KUKOLA MALO GAKUTAMA SONI YAKULYA.
“Ŵandu ŵangu [ŵachachilamulidwaga ni Klistu] tachitaŵa nyumba nipo tachitamamo, tachipanda migunda ja mipeleya, tachilya yisogosi yakwe. Ngasataŵa nyumba kuti ŵandu ŵane atamejemo, nipo ngasapanda mipeleya kuti ŵandu ŵane alyeje yisogosi yakwe.”—YESAYA 65:21, 22.
ULAMUSI WA YESU TIWUCHIYIKASYA MTENDELE SONI CHITETEYO PACHILAMBO CHOSOPE.
“Mtendele uŵe wejinji pandaŵi ja umi wakwe ni yindu yambone yakupochela ŵandu, kutyochela kwa Mlungu yitupe kwa yaka yosope. Alamulile kutyochela nyasa jine mpaka kunyasa jine; ni kutyochela ku lusulo lina lyakwe Yufuleti mpaka kumbesi kwa chilambo chapasi . . . Amagongo ŵakutama mchipululu tachimjinamila jwelejo.”—SALIMO 72:7-9.
YESU TACHIMASYA YINDU YANGALI CHILUNGAMO.
“Jwalakwe tachatendela chanasa ŵangali machili ni ŵakulaga, tachiwukulupusya umi wa ŵandu ŵakusingalilwa. Tachikulupusya umi wawo ku ŵandu ŵawukali ni ŵakwasawusya.”—SALIMO 72:13, 14.
YESU TACHIMASYA YAKUSAWUSYSA SONI CHIWA.
“Ngasipapagwa chiwa, chanasa, kulila, kapena kupikana yipwetesi. Yindu yakala yosope yeneyi yimasile.”—CHIWUNUKUKO 21:4.