ომიშ გურშენ ანაყუ ფარა იხარჯებ — მუ რე თე ირფელიშ შედეგ?

ომიშ შედეგეფ გამანადგურებელ რე.

• „მთელ მსოფლიოს სახელმწიფოეფქ 2,2 ტრილიონ დოლარ ახარჯეს ომეფს. თესხი ფარა ჩხუპეფს აიშახ დღას ვა ხარჯებე“ („ვაშინგტონ პოსტ“, 13 ფრევალ, 2024 წანა).

ზარალ ფარაშე ბრელით უმოს რე. მაგალთო, ქიმიპჸუნათ უკრაინაშ ომიშ ამბე.

• ჯარიშკოჩეფ. ნამთინე ექსპერტიშ აზრით, ჩხუპიშ დოჭყაფაშე ჟირ წანაშა, სოდგარენ 500 000 ჯარიშკოჩ რე ჸვილირ ვარდა ნჭყოლირ.

• მოსახლეობა. გაეროშ ინფორმაციათ 28 000-შე უმოს უდანაშაულო ადამიან რე ღურელ ვარდა დაზარალებურ. გაეროშ წარმომადგენელქ, თეცალ მუდგარენ თქუ: „ზუსტას ვეშემლებუნა თიშ რაგად, მუსხი ადამიან რე ღურელ თე ომიშ გურშენ“.a

ხალხის ქიანაშმადიდა ზარალ მოუღ მსოფლიოს ხვადუნ თი ომეფქ დო კონფლიქტეფქ.

• 114 მილიონ ადამიანს აჸუ დატებელქ ჸუდექ მთელ მსოფლიოს ომიშ დო ძალადობაშ გურშენ 2023 წანაშ სექტემბერიშ მონაცემეფით.

• 783 მილიონ ადამიან იტანჯებ ქრონიკულ შქირენათ. „შქირენაშ მთავარ მიზეზ დიო ხოლო კონფლიქტეფ რე. მთელ მსოფლიოს ზუსტას ომიშ დო ძალადობაშ გურშენ მიძინ 70 პროცენტით შქირენულ ხალხიშ რიცხვიქ“ (მსოფლიო სასურსათო პროგრამა).

დღას მეჭყორდუნო ომეფ? დღას ქიჸუაფუნო მშვიდობა? დღას ქუდოდირთუნო თიცალ დრო, მუჟამსით არძას აღვენუ დასაბაღ ოჭკუმალ? მუს იჩიებ ბიბლია?

ომიშ დრო

ბიბლია ომს, ნამუთ მთელ მსოფლიოს ხვადუ ეჭარუნს, მუჭოთ სიმბოლურ ცხენს გიმახუნელ მხედარს.

• „გიშელ მაჟიაქ, ალიშფერ ცხენქ. მით თის გეხედ, ნებაქ ქიმიაჩ, მშვიდობა მიდეღუკო დედამიწაშე დო ხალხის ართიან აკუჸვილდესკო; თის დიდ ყამაქ ქიმიაჩ“ (გამოცხადება 6:4).

თე სიმბოლურ მხედარ ეწოჸუნს შხვა ჟირ მხედარს, მით განასახიერენა შქირენას დო ჭირიშ დოვარ შხვა მიზეზეფიშ გურშენ ღურას (გამოცხადება 6:5—8). თე ბიბლიურ წინასწარმეტყველებაშე უმოს ინფორმაციაშ მიოღებელო დო თიშ გაგებელო მუშენ შემლებუნა ბჯერდან, ნამდა თე წინასწარმეტყველება ჩქინ დროს ისრულებ, ქოძირით სტატია „რას განასახიერებს ოთხი მხედარი?“

მშვიდობა მომავალს

მალას დედამიწაშ რესურსეფ ვეჸუაფ გიმორნაფილ ომეფშო, მარა თეს ადამიანეფ ვაკეთენა. ბიბლია იჩიებ:

• ღორონთ „მოსპუნს ომეფს მთელ დედამიწას“ (ფსალმუნი 46:9).

• ღორონთ მოსპუნს ომიშ შედეგეფს. თინა „გელუწიმინდანს თინეფს ირნერ ჩილამურს თოლეფშე დო მეტო ვეჸუაფ ღურა, ვართ ნგარა, თვალუა დო ჭუა, მუშენდა მუთ ულირს რდჷ, ირფელქ მისპჷ“ (გამოცხადება 21:4).

• ღორონთ მოპირუნა, ნამდა არძა მშვიდობიანო იცხოვრენს. „ჩქიმ ხალხ მშვიდობიან დარნალს, მითინს ვაცილებენ ფერ ოკვირდეს დო წყნარ მასანჯვაფალ ადგილს იცხოვრენს“ (ესაია 32:18).

ბიბლიურ წინასწარმეტყველებაშ თანახმას, ომეფ დო შხვა მოვლენეფ, მუთ ამდღა ხვადუ ამტკიცენს, ნამდა მალას ქუდოდირთუ დრო, მუჟამსით მშვიდობათ გეფხარენთ.

მუჭო მომღანა ღორონთ მშვიდობას? თეს მუშ ზეციერ მთავრობაშ საშვალებათ გაკეთენს (მათე 6:10). თიშ გაგებელო მუ რე თე სამეფო დო მუს შილებე ნიშნენდას თინა თქვანო, ქუჯინით ვიდეოს „მუ რე ღორონთიშ სამეფო?“