ელაიჩანთ, ქოძირათ
მუ ჯგირობუა მოუღ თქვანდა ბიბლიურ მუხლეფწკუმა მოჩამილ წყაროეფს, ნამუთ ეჭოფილ რე „იეჰოვაშ მოწმეეფიშ ორკვიებელ სახემძღვანელოშე“?
თე წყაროეფ მოხვარნა, ჯგირო ქინვანჭათ ღორონთიშ სიტყვას მოჩამილ სიტომბეეფს. თექ შილებე მოშინაფილ რდას ისტორიულ ფაქტეფ თი მოვლენეფწკუმა დაკავშირებით, ნამუთ ბიბლიურ მუხლის რე ეჭარილ. თეს გეძინელ, შილებე თინა ხოლო რდას მოჩამილ, მუშენ იჭარ, მიშ გურშენ იჭარ, დო ენწყუმილ რდას კონკრეტულ სიტყვაშ ვარდა ფრაზაშ მნიშვნელობა.
მუჭოთ „გინაჯინალ კოშკიშ ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐᲡ“, თეშ JW ბიბლიოთეკას შეილებნა პირდაპირ ბიბლიურ მუხლშე გეგნორთათ „ორკვიებელ სახემძღვანელოს“ მოჩამილ წყაროეფშა. თე წყაროეფ გამკორჩქინდუ ორკვიებელ ველს.
თე წყაროეფიშ გიმორნაფაშ დროს ყურადღება ქიმიაქცით, მუ თანმიმდევრობათ რე სტატიეფ გიმოკოროცხილ. სიაშ დუდის უახალაშ სტატიეფ რე მოჩამილ დო უმოს ჯვეშ სტატიეფ, სოდეთ შილებე საკითხეფიშ ჯვეშ ენწყუმა რდას, მოჩამილ რე სიაშ ბოლოს.
„გინაჯინალ კოშკიშ ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐᲡ“ ბიბლიურ მუხლეფიშ მარძგვანს მოჩამილ ველს ავტომატურო მიკორჩქინდუ „ორკვიებელ სახემძღვანელო“.
ქუგოკონა JW ბიბლიოთეკას თე სახემძღვანელო გეგმირინუათ-და, აუცილებერ რე, გეგნიჭარათ თინა დო, მუჟამსით საჭირო იჸუაფ, გაკეთათ განახლება. თეშ კეთება შეილებნა ორკვიებელ ფანჯარაშე, ნამდგაშ გონწყუმა ბიბლიაშ ნებისმიერ დუდშე რე შეიოლებერ. გინოჭარუაშ ფუნქცია თე ფანჯარაშ დუდის გამკორჩქინდუ.