ელაიჩანთ, ქოძირათ
მუჭო გიმიბრინუათ განყოფილება „მუ რე ახალი?“
ვებგვერდის jw.org დო აპლიკაციას JW ბიბლიოთეკა მოჩამილ განყოფილებას „მუ რე ახალი“, გიდვალუაფ ბოლო დროს გიშაშქუმალირ უახალაშ სტატიეფ დო ვიდეოეფ. მუჭო შეილებნა თე განყოფილებაშ გიმორნაფა, ნამდა ვეგშქოსქიდან უახალაშ ინფორმაციაქ?
JW ბიბლიოთეკა
მუჟამსით ნამდგაინ სტატიეფიშ სერიას ახალ სტატია გიაძინუ, რჩქინდუ განახლებაშ ნიშან. თაშ ნამდა, მუჟამსით განყოფილებას „მუ რე ახალი?“, გამკორჩქინდუ სტატიეფიშ სერია, შეილებნა გეგნიჭარათ თიშ უახალაშ ვერსია. განახლებაშ უკულ, შეგალებენა წეკითხათ ახალ სტატია. თინა თი გიმოკოროცხილ სტატიეფიშ დუდის მიკორჩქინდუ, ნამუთ თარიღეფიშ მიხედვით რე დონწყილ.
უმოს დიდ პუბლიკაციეფქ, მაგალთო, მუნერით რე ჟურნალეფ, შილებე დუდშე ბოლოშა ართ კითხირით მთლიანო ვა გაკითხირან. ათეშენ, შეილებნა თინა „რჩეულეფს“ ქიგიძინათ, ნამდა შეგალებუან ხეთე ქიმიოგორუათ დო გაგრძელათ კითხირ. მუჟამსით ჟურნალს დუდშე ბოლოშა წეკითხენთ, შეილებნა გეგშალასათ „რჩეულეფშე“.
JW.ORG
ნამთინე მასალა, მაგალთო, მუნერით რე ახალ ამბეეფ დო განცხადებეფ, ხვალე jw.org-ის გიდვალუაფ. ირიათო გემშართით განყოფილებაშა „მუ რე ახალი?“, ნამდა ქოძირათ ვებგვერდის გედვალირ უახალაშ ინფორმაცია.