წერილ ხემძღვანელ საბჭოშე

მიდგას უჸორს იეჰოვა ღორონთ დო თიშ სიტყვა, ბიბლია:

იესოქ თქუ: „ქიგეგენთ ჭეშმარიტებას დო ჭეშმარიტება გუგათავისუფლენა“ (იოანე 8:32). ქიგიშინით, მუ ბედნერეფ რდით, მუჟამსით პირველო გეგით ბიბლიურ ჭეშმარიტება! მუნერ გურიშ ემაკინალ რე თიშ რჩქინა, ნამდა თე ტყურათ ეფშა მსოფლიოს, სიმართლეშ გაგება შემლებნა (2 ტიმოთე 3:1).

იეჰოვა ღორონთის ოკო, სიმართლე მიჩქუდან. ჩქი ­ვოცადუთ, თენა შხვეფს ხოლო ქუგვოგებაფუათ, მუშენდა მიჸორა ხალხ. მარა ღორონთიშ მსახურებაშო ხვალე თენა ვა რე დასაბაღ. ჩქი ირფელ ოკო გუვაკეთათ, ნამდა იფცხოვრათ, მუჭოთ ნამდვილ ქრისტიანეფ, მუშენდა მანგარო ვაფასენთ იეჰოვაშ პრინციპეფს. იესოქ ენწყჷ, მუჭო შილებე ჸოროფა დუმტკიცათ ღორონთის. თიქ თქუ: „ჩქიმ მცნებეფს დეცვენთ-და, ჩქიმ ჸოროფას ქუდოსქიდუთ, მუჭოთ მა იფცვენქ მუაჩქიმიშ მცნებეფს დო ფსქიდუქ თიშ ჸოროფას“ (იოანე 15:10).

იესოს მთელ გურით უჸორს მუშ მუმა დო მუდგას მუმა უწინს, ირფელს ორთჷ. მუჟამსით იესოშ მაგალითის ­მივაჸუნუთ, იეჰოვა ქომიჸოროფუანა დო ნამდვილო ბედნერეფ იპჸუაფუთ. იესოქ თქუ: „ასე გიჩქუნა თე ირფელ, დო თაშ ქიმიქციებუთ-და, ბედნერეფ იჸუაფუთ“ (იოანე 13:17).

დიდ იმენდ მიღნა, ნამდა თე პუბლიკაცია ქიმგეხვარებნა, ქიდიგურუათ ბიბლიურ ჭეშმარიტებათ ცხოვრება დო გინირთათ ღორონთიშ მეგობარო. ბლოცულენთ, თქვან გურს ზეციერ მუმაშ ჸოროფაქ უმოსო ქიმიძინას დო „ირო რდათ ღორონთიშ ჸოროფაშ ღირსეფ . . . მარადიულ სიცოცხლეშ იმენდით“ (იუდა 21).