მუშენ გიშაშკვეს ბიბლიაშ „ახალ ქიანაშ თარგმანი“?

ვითობით წანეფიშ დინახალე იეჰოვაშ მოწმეეფი გიმირინუანდეს, ბეშტანდეს დო ავრცელენდეს ბიბლიაშ შხვადოშხვა თარგმანს. მარა თინეფქ ქოძირეს, მუსხით აუცილებერ რდუ ბიბლიაშ ახალ თარგმან თიშო, ნამდა ხალხიქ უჯგუშო ქენანჭკო ღორონთიშ ნებას დო „ჭეშმარიტებაშ ზუსტი რჩქინა“ ქიმიღკო (1 ტიმოთე 2:3, 4). ზუსტას თეშ გურშენ 1950 წანაშე დიბჭყით ამდღარ ოჩიებელ ნინაშა ბიბლიაშ „ახალ ქიანაშ თარგმანიშ“ ნაწილ-ნაწილო გიშაშკუმალა. ამდღა ბიბლიაშ თე ზუსტი თარგმან 120-შე მეტ ნინაშა რე გიშაშკუმალირ..

საჭირო რდუ ბიბლიაშ ადვილო გაგებელ ნინაშა თარგმნუა. მუჭო დრო მიკურსინ თეშ ნინა ხოლო ითირუ. ბიბლიაშ ბრელ თარგმანს თინერ სიტყვეფს დო ფრაზეფს შეთმოფხვადუთ, ნამუთ მურუჟო ვარდა ძნელო გაგებელ რე. დროშ მუკულაწკუმა ართო ძირაფილ უჯვეშაშ ხეშნაჭარეფი, ნამუთ ხოლოს რე ორიგინალწკუმა, მოხვარნა უჯგუშო ქიგებგათ ბიბლიაშ ებრაულ, არამეულ დო ბერძნულ ტექსტეფი.

თარგმან მუთ შილებენ ხოლოს ოკო ჸოფედკო ღორონთიშ სიტყვაშ ორიგინალ ტექსტწკუმა. ბიბლიაშ მათარგმნალეფს ღორონთიშ შთაგონებათ ჭარილ წერილეფი ვა უთირუდესკო ოკო, თინეფს თინა მუთ შილებე ზუსტაშე ოკო უთარგმნუდესკო. მარა ბიბლიაშ ბრელ თარგმანს ღორონთიშ სახელი იეჰოვა, ვა რე მოშინაფილ.

თარგმანს ქუძირაფუდკონ ოკო მი რე თიშ ავტორი (2 სამუელი 23:2). ბიბლიაშ უჯვეშაშ ხეშნაჭარეფს ღორონთიშ სახელი იეჰოვა, სოდგარენ 7000-შახ რე მოშინაფილ (ფრაგმენტის ართ-ართი უჯვეშაშ ხეშნაჭარაშე, თუდო მოჩამილ სურათის ვორწყეთ). ბიბლიაშ „ახალ ქიანაშ თარგმანს“ მათარგმნალეფქ ღორონთიშ პირად სახელი იეჰოვა მუშ ადგილშა დართინეს (ფსალმუნი 83:18). წანეფიშ დინახალე გურგედვალირ მუშობაშ ჭყოლოფუათ, ბიბლიაშ თე თარგმანი ჯგირ ოკითხე რე, მუშენდა ღორონთიშ ნებას არგამათ ოძირანს. თიშ უმკუჯინუო, სქან ნინაშა ქორენ დო ვარ ბიბლიაშ „ახალ ქიანაშ თარგმანი“, ჯგირ იჸუაფ ირ დღას წეკითხე ღორონთიშ სიტყვა (იესო ნავეს ძე 1:8; ფსალმუნი 1:2, 3).

• მუშენ გინოჭყვიდეს იეჰოვაშ მოწმეეფქ ბიბლიაშ ახალ თარგმანიშ გიშაშკუმალა?

• მუ ოკო აკეთე ირ დღას, ქუგოკო ღორონთიშ ნება ქიგეგენ-და?