ევოლუციაშ საშვალებათ გაჭყუო ღორონთიქ სიცოცხლეშ შხვადოშხვანერ ფორმა?

პასუხ ბიბლიაშე

ვარ. ბიბლიაშე არგამათ ვორწყეთ, ნამდა ღორონთიქ გაჭყჷ ადამიანეფ; თეს გეძინელ, ცხოველეფ დო მცენარეეფ „თინეფიშ გვარიშ მიხედვით“ a (დაბადება 1:12, 21, 27; გამოცხადება 4:11). ბიბლიაშე თის ხოლო ბგებულენთ, ნამდა ადამიანეფიშ მოდგმაქ პირველ ოსურ დო კოჩშე ­— ადამშე დო ევაშე მოლართჷ (დაბადება 3:20; 4:1). ბიბლია ხუჯის ვა უკინენს თი აზრის, ნამდა ღორონთიქ ევოლუციაშ საშვალებათ გარჩქინ სიცოცლეშ შხვადოშხვანერ ფორმა. თე თეორიას თეისტურ ევოლუციას უძახნა. მარა ბიბლია ვაწინააღმდეგ მეცნიერეფიშ მოსაზრებას, ნამდა სიცოცხლეშ არძანერ ფორმა გენიცადენს სახეცვლილებას.b

• გიმირინუო ღორონთიქ ევოლუცია?

• ქათანხმუნო ევოლუციაშ თეორია ბიბლიაშ გურაფას?

• მუშ რაგად შილებე მცენარეეფიშ დო ცხოველეფიშ ადაპტაციაშ უნარშე?

გიმირინუო ღორონთიქ ევოლუცია?

ტერმინს „თეისტურ ევოლუცია“ შხვადოშხვა აზრი რე გაერთიანებულ. მუჭოთ „ენციკლოპედია ბრიტანიკას“ რე ენწყუმილ, თეისტურ ევოლუციაშ თანახმათ, ართ-ართ საშვალება, მუდგათ ღორონთ ცოცხალ ორგანიზმეფს მართუნს, ბუნებრივ გიშაგორუა რე.

თეისტურ ევოლუციას თეცალ მოსაზრებეფ ხოლო რე:

• არძა ცოცხალ ორგანიზმის ულირს საერთო წინაპარ ჸუნდჷ.

• ევოლუციაშ საშვალებათ სიცოცხლეშ ართ ნამდგაინ ფორმაქ შილებე გვალო შხვა ფორმათ გინირთას. თე მოსაზრებას მაკროევოლუციაშ სახელით იჩინენა.

• თე პროცესეფიშ უკახალე ღორონთ გერე.

ქათანხმუნო ევოლუციაშ თეორია ბიბლიაშ გურაფას?

თეისტურ ევოლუციაშ თეორია თიშა მეუთითენს, ნამდა ითამ თინა, მუთ წიგნ „დაბადებას“ გოჭყაფილიშ გურშენ ჭარჷ, ბოლოშა სიმართლე ვა რე. მარა იესოქ, მუჭოთ ფაქტ თეშ მიჸონ „დაბადებას“ მოშინაფილ მოვლენეფ, ნამუთ ირფელიშ გოჭყაფას ეჭარუნს (დაბადება 1:26, 27; 2:18—24; მათე 19:4—6). ბიბლია იჩიებ, ნამდა სოიშახ დედამიწაშა მიშკონ, იესო ზეცას ცხოვრენდჷ მუშ მუმაწკუმა დო ირფელიშ გოჭყაფას ოხვარუდ (იოანე 1:3). თაშ ნამდა, თი აზრ, ნამდა სიცოცხლეშ შხვადოშხვა ფორმაშ გაჭყაფალო ღორონთიქ ევოლუცია გიმირინუ, ვათანხმჷ ბიბლიურ გურაფას.

მუშ რაგად შილებე მცენარეეფიშ დო ცხოველეფიშ ადაპტაციაშ უნარშე?

ბიბლია მუთუნს ვეჩიებ თიწკუმა დაკავშირებით, მუნერ სახეცვლილება შილებე მიღას შხვადოშხვა გვარქ. მარა ვართ ივარიენს თი ფაქტის, ნამდა ღორონთიშ გოჭყაფილ შხვადოშხვა მცენარეეფქ დოვარ ცხოველეფქ გამრავლებაშ ვარდა შხვა გარემოწკუმა მერჩქვანაშ დროს შილებე დითირან. მართალ რე, თე პროცესის ნამთინე ევოლუციას მიოჭარანს, მარა შემლებნა დარწმუნებულო ფთქუათ: ადაპტაციაშ თე პროცეს ახალ შხვა ფორმას ვა წარმოქმნენს.