მუჭო მირსხენა იესო?

ბიბლიაშ პასუხ:

იესოქ ირსხჷ ართგურ ადამიანეფ, მუჟამსით მუშ სიცოცხლე შეწირ თინეფიშ გიშაჸიდირალო (მათე 20:28). ათეშენ ბიბლიას იესო მოშინაფილ რე, მუჭოთ „ქვეყნიერებაშ მარსხებელ“ (1 იოანე 4:14). წმინდა წერილეფს თინა ხოლო ჭარჷ, ნამდა: „შხვა მითინს ვეშულებ რსხება, მუშენდა ვა არსებენს ცაშ თუდო ხალხშა მეჩამილ შხვა სახელ, ნამუთ რსხებას მომღანა“ (საქმეები 4:12).

იესოქ ღურჷ არძაშო, მით თიშ რწმენას გიმირჩქინანს (ებრაელები 2:9; იოანე 3:16). ათეშენ „ღორონთიქ გათელ თინა“ დო ზეცას სულიერ ქმნილებათ დართინუ (საქმეები 3:15). იესოს „შეულებ ბოლოშა ირსხას თინეფ, მით თიშ საშვალებათ ეახლოებნა ღორონთის, მუშენდა თინა მარადიულო ცოცხალ რე თინეფიშ შუამავალო“ (ებრაელები 7:25).

მუშენ მოსაჭირნა გიშაჸიდირ?

ჩქი არძა ცოდამეფ ვორეთ (რომაელები 3:23). ცოდვაქ ღორონთწკუმა დუმაშორეს დო ღურა ქუმომღეს (რომაელები 6:23). მარა იესოშ მსხვერპლ ღორონთწკუმა შერიგებაშ საშვალებას არზენს თინეფს, მით რწმენას გიმირჩქინანს გიშაჸიდირალიშ მიმართ (1 იოანე 2:1). იესოშ სახელით ჩქი შემლებნა ღორონთის ფთხუათ, ნამდა ქიმირჩქილუას ჩქინ ლოცვეფ დო ქუმაპატუან ცოდვეფ იესოშ გიშაჸიდირალიშ საშვალებათ (მათე 1:21; რომაელები 8:34). ღორონთ მირჩქილუანს იესოშ სახელით რაგადებულ თეცალ ოთხუალს, ნამუთ მუშ ნებაწკუმა რე შეთანხმებულ. ღორონთიქ იესო დედამიწაშა მაშქვჷ, ნამდა „თიშ საშვალებათ ირსხუკო ქვეყნიერება“ (იოანე 3:17).

გინასქილიდაფარო ხვალე იესოშ მიმართ რწმენაშ გიმორჩქინა ქორენო დასაბაღ?

ვარ. მართალ რე, ჩქი ოკო ბჯერდან, ნამდა იესოს შეულებ ჩქინ რსხება, მარა თენა ვა რე დასაბაღ (საქმეები 16:30, 31). ბიბლია იჩიებ: „თეშნერო, მუჭოთ სხეულ რე ღურელ შურიშ უმშო, თეშ რწმენა რე ღურელ საქმეეფიშ უმშო“ (იაკობი 2:26). გინასქილიდაფარო საჭირო რე:

• ქიგებგათ უმოს იესოშე დო თიშ მუმაშე, იეჰოვაშე (იოანე 17:3).

• გემამგარათ რწმენა თინეფიშ მიმართ (იოანე 12:44; 14:1).

• გეგმოფხანტათ რწმენა თინეფიშ მითითებეფიშ მორჩილებათ (ლუკა 6:46; 1 იოანე 2:17). იესოქ თქუ, ნამდა მით თის „უფალს“ დუძახ, არძა ვეგნსოქიდუ; რსხებას ხვალე თინეფ მიღენა, მით „ასრულენს [იესოშ] ზეციერ მუმაშ ნებას“ (მათე 7:21).

• სირთულეეფიშ უმკუჯინუო, გუვაგრძელათ რწმენაშ გიმორჩქინა. ზუსტას თე აზრის გუსვჷ ხაზ იესოქ, მუჟამსით თქუ: „მით ბოლოშა მითვინენს, გინოსქიდუ“ (მათე 24:13).