ახალგაზრდა ბოშ ოკვირ, მუჭო მეულა იეჰოვაშ მოწმეეფ მუნეფიშ დარბაზშა

ახალგაზრდეფიშ შეკითხვეფ

მუშენ ოკო დევესწრე კრებაშ შეხვალამეფს?

იეჰოვაშ მოწმეეფ მარაშე ჟირშა ატარენა კრებაშ შეხვალამეფს თაყვანიშცემაშ ადგილს, მუდგას იეჰოვაშ მოწმეეფიშ დარბაზ ჯოხო. მუ ხვადუ თექ დო მუ ჯგირობუას მოიღანს კრებაშ შეხვალამეფშა დასწრება?

მუ ხვადუ იეჰოვაშ მოწმეეფიშ დარბაზის?

ჩქინ დარბაზიშ ბიბლიურ განათლებას ბღებულენთ. კრებაშ შეხვალამეფშა დასწრება მიგეხვარებ:

ღორონთიშ გურშენ ჭეშმარიტებაშ გურაფას
თიშ გაგებას, მუს შილებე ნიშნენდას მსოფლიოს ამდღა რენ თი მდგომარეობა
სქან პიროვნებაშ გაუჯგუშებას
ჯგირ მეგობრეფიშ გორუას

მუშენ ოკო დესწრე კრებაშ შეხვალამეფს?

თექ მორჩქილაფირ ინფორმაცია მიგეხვარებ. თი ბიბლიურ პრინციპეფიშ გარჩიება, მუთ იეჰოვაშ მოწმეეფიშ დარბაზის ხვადუ, მიგეხვარებ, გიღდას უმოს მეტ სიბრძნე (იგავები 4:5). თენა ნიშნენს, ნამდა ბიბლიას შეულებ მიგეხვარას ბრძნულ გადაწყვეტილებეფიშ მეღებას. თეს გეძინელ, ქიმერჩანს პასუხეფს თიცალ კითხვეფშე, მუნერით რე:

თუდო მოჩამილ რე მუსხირენ ბიბლიურ მოხსენებაშ სათაურ, ნამუთ საბატონიშ დო ჟეშხაშ შეხვალამეფს ირაგადუაფ:

მუშენ ოკო იფხემძღვანელათ ბიბლიათ?
სო შემლებნა მიბღათ მოხვარა, მუჟამსით სირთულეეფ მიღნა?
მუს ორთჷ ღორონთიშ სამეფო ამდღა ჩქინო?

„ართშა კრებაშ შეხვალამაშა ჩქიმ კლასელქ ქუმორთჷ. თიქ ჩქი ქელამზოჯეს დო წიგნის ართო ინიბჯინედით. შეხვალამაშ ბოლოს თიქ მიწუ, ნამდა თიწკუმა მანგარო იმოქმედ თე შეხვალამას რაგადებულ კომენტარეფქ დო თიქ, მუთ შეხვალამას გუვარჩით. თეს გეძინელ, თინა ხოლო თქუ, ნამდა მუშ ეკლესიას თეცალ მუდგარენეფ ვა ხვადუ“ (ბრენდა).

ქოიჩქუდესო? იეჰოვაშ მოწმეეფიშ დარბაზის კრებაშ შეხვალამეფშა დასწრება უფასო რე დო ვა ხვადუ ფარაშ ეშაყარუა.

კრებას, და დო ჯიმალეფწკუმა ურთიერთობა გურშა ელაიკინანს. ბიბლიაშე ბგებულენთ, ნამდა ართ-ართ მიზეზ, მუდგაშ გურშენ ქრისტიანეფ ართო იშაყარუნა, ართიანიშ გურიშელაკინა რე (ებრაელები 10:24, 25). თიცალ ხალხწკუმა ურთიერთობა, მით ღორონთის დო მოყვასის მუშ დუდიშ წოხოლე გიორინუანს, მანგარ სასიამოვნო რე, მუშენდა ქვეყნიერებას ამდღა ეგოიზმ რე გავრცელებურ.

„დღაშ ბოლოს შილებე მანგარ შულადირ ვორდე, მარა კრებაშ შეხვალამეფშა მეულა დო და დო ჯიმალეფწკუმა ურთიერთობა ძალეფით ემოფშანს. კრებაშ უკულ, მუჟამსით ჸუდეშა იფრთუქ, დუდის ბედნერო ბგინაფლენქ დო მზათ ვორექ ახალ დღაშ დაჭყაფალო“ (ელისა).

ქოიჩქუდესო? მთელ მსოფლიოს 120 000- შე მეტ კრება შეხვალამეფს ატარენს 60 000-შე მეტ ადგილს. დამსწრეეფს აძინუ, ათეშენ იეჰოვაშ მოწმეეფ ირ წანას საშუალოთ 1 500 ახალ დარბაზის აშენენა.a

მუს იჩიებნა სქან მახანეფ?

„სკოლას ბგურაფლენდინ, ჩქიმ ართ კლასელქ მუსხირენშა დესწრჷ კრებაშ შეხვალამას. თის მანგარო გუკვირდჷ თიშ ძირაფაქ, მუჭო გურაფლენდეს ბიბლიას შხვადოშხვა ასაკიშ კათა. ამარდე, ჩქიმ უნჩაშიქ მორთ კრებაშა დო მანგარო გუკვირდჷ, მუჟამსით ქოძირ, მუსხით ხშირას იბრინუანდით ბიბლიას. თის მანგარო მეწონ კრებაშ შეხვალამაქ, თიშ მიმაჯინე, მა ხოლო უმოსო დუვაფას კრებაშ შეხვალამეფ“ (ჯესიკა).

„ვორწყექ, ნამდა კრებაშ შეხვალამეფ მოხვარ, ზედმეტო ვეფიფქრე ირდღაშიან პრობლემეფ დო ოწუხებელშე. თექ ბგურაფლენთ, მუჭო მიღდან აზრიან ცხოვრება, მუჭო გუვაუჯგუშათ ჩქინ პიროვნება დო შხვა თეცალ საინტერესო საკითხეფს. დარბაზშე ირიათო გახარებულ დო ბედნერ მევურქ ჸუდეშა“ (ტიმოთე).

«კრებაშა ართ კოჩ დუვაპეჯ, მიდგაქ შეხვალამაშ უკულ თეცალ სიტყვეფ მიწუ: „თე შეხვალამაშა ხვალე თიშენ მოფრთჷ, ნამდა თქვან საწინააღმდეგო დომგორუდკო მუდგაინ. მარა შეხვალამაშ ბოლოს დებრწმუნ, ნამდა ჩქიმ რელიგიურ შეხედულებეფ ტყურა ჸოფე“. თე კოჩიშ გურს მანგარო შეხუ იეჰოვაშ მოწმეეფიშ მეგობრულ დამოკიდებულებაქ. თიქ თქუ: „თიშ უმკუჯინუო, ნამდა პირველო რძირით, დუდ თეშ მოგინებაფეთ, ითამ დიდ ხანიშ მეგობრეფ პჸოფედითკო“» (ჯეიკობი).

«ნობღვე თიცალ შემთხვევეფ, მუჟამსით მიფიქრებ: „კრებაშ შეხვალამა გეთებუნ დოვარ, ხეთეშე ჸუდეშა ვურქჷ“. მარა შეხვალამაშ განმავლობას თეცალ ფიქრეფ სოდგარენ დინუდ. შეხვალამაშ უკულ, მუჟამსით და დო ჯიმალეფწკუმა იფჩიებუდ, ჩქიმ დუდიშ მიკვენდჷ, მუშენ მიღუდ თიცალ ფიქრეფ. კრებაშ შეხვალამეფ ვა ჸოფედკონ, თეცალ ჯგირ მეგობრეფ ვა მაჸვენუდ» (მედისონი).

a ქუგოკონა, გეგათ, იეჰოვაშ მოწმეეფიშ შეხვალამეფ სო იტარებაფუაფ-და, დოგორით თინეფიშ ვებგვერდის „იეჰოვაშ მოწმეეფიშ კრებაშ შეხვალამა“ დო გეგნორთით ლინკშა „დოგორით უხოლაშ ადგილ“.