მუსხი იეჰოვაშ მოწმე რე მთელ მსოფლიოს?

მის თვალუნთ იეჰოვაშ მოწმეთ?

იეჰოვაშ მოწმეეფო ხვალე თინეფ ითვალუნა, მით ირთუთას ღებულენა მონაწილებას ღორონთიშ სამეფოშ გურშენ სახიოლო ამბეშ ქადაგებას (მათე 24:14). იეჰოვაშ მოწმეეფ შქას რენა თინეფ, მით ნათილ რენა დო თინეფ ხოლო, მით დიო ვა რენა ნათილ, მარა ქადაგებაშო საჭირო აუცილებერ მოთხოვნეფს აკმაყოფილენა.

ფარა ოკო იგენიო, ნამდა იეჰოვაშ მოწმეთ გინირთე?

ვარ. მუთუნნერ შესაწირავ ვა რე საჭირო, ნამდა მიდგაინქ იეჰოვაშ მოწმეთ გინირთას, მუდგაინ დავალება მიღას, ვარდა ორგანიზაციას პასუხიშმგებლობა უღდას (საქმეები 8:18—20). უმენტაშო, შესაწირავეფიშ კეთება ანონიმურო ხვადუ. თითოულ იეჰოვაშ მოწმე მსოფლიო სამქადაგებლო საქმეშო ნებაყოფლობით, მუშ მდგომარეობაშე გამომდინარე, გიმორთუნს მუშ დროს, ენერგიას დო სახსრეფს (2 კორინთელები 9:7).

სოვრეშე გიჩქნა, მუსხი მოწმე მსახურენს აქტიურო?

იეჰოვაშ მოწმეეფ ირთუთას აბარენა მსახურებაშ ანგარიშის მუნეფიშ კრებეფს. თენა ნებაყოფლობით ხვადუ.

თინეფ, მით პასუხიშმგებელ რენა თე საკითხშე, აჯამენა იეჰოვაშ მოწმეეფიშ ანგარიშეფს დო ადგილობრივ ფილიალშა ოჯღონანა. ფილიალ მთავარ სამმართველოშა ოჯღონანს თითოულ ქიანაშ ვარდა ტერიტორიაშ სამქადაგებლო მსახურებაშ ანგარიშეფს.

ირ სამსახურებრივ წანაშ ბოლოსa იშაყარუაფ მონაცემეფ იეჰოვაშ მოწმეეეფიშ უმაღლეს რიცხვიშ გურშენ, ნამდგას ირ თუთას აფიქსირენა მთელ მსოფლიოს. ციფრეფ ართიანს მიაძინუ დო საბოლათ ბგებულენთ, მუსხი იეჰოვაშ მოწმე რე მთელ მსოფლიოს. თითოულ ქიანაშ დეტალურ ანგარიშეფ მოჩამილ რე „იეჰოვაშ მოწმეეფიშ წელიწდეულს“ (ნამუთ ქორთულ ნინაშა რე). თე მონაცემეფ გურშა ელამკინანა, მუჭოთ პირველ საუკუნეს მახორუ ქრისტიანეფს ელუკინანდჷ გურშა თიმ დროშ სამქადაგებლო ანგარიშეფ (საქმეები 2:41; 4:4; 15:3).

იეჰოვაშ მოწმეეფო ითვალუნანო თინეფ, მით ვა ქადაგენა, მარა ოსწრუნა კრებაშ შეხვალამეფს?

მართალ რე, თეცალ კათა იეჰოვაშ მოწმეეფ ვა რენა, მარა მთელ გურით ბღებულენთ კრებაშ შეხვალამეფშა. თინეფიშ უმენტაშ ოსწრჷ ქრისტეშ ღურაშ გოშინაშ ონჯუას, ნამდგას წარმოწანაშე ართშა აბღნიშნენთ. თაშ ნამდა, შეხვალამეფს მით ოსწრნან თინეფიშ რიცხვ ცალკე იკოროცხუ დო იეჰოვაშ მოწმეეფიშ რიცხვ — ცალკე. 2019 წანას ქრისტეშ ღურაშ გოშინაშ ონჯუას 20 919 041 პიროვნებაქ დესწრჷ.

შილებე ბრელ ვასწრუდას კრებაშ შეხვალამეფს, მარა ბიბლიაშ გურაფაშ საშვალებათ იჩინებაფუანს იეჰოვას დო თიშ ორგანიზაციას. 2019 წანაშ დინახალე ირთუთას სოდგარენ 9 618 182 ბიბლიაშ გურაფა იტარებაფუაფუდ. ნამთინე თეცალ გურაფას მუსხირენ პიროვნება ოსწრუდ.

მუშენ რე სამთავრობო დაწესებულებეფიშ კოროცხილ იეჰოვაშ მოწმეეფიშ რიცხვ უმოს, ვინემ თქვან კოროცხილ იეჰოვაშ მოწმეეფიშ რიცხვ?

მთავრობაშ სტატისტიკურ ბიურო აწარმოენს გამოკითხვას, მი ნამ რელიგიურ ჯგუფის ოკუთვნჷ დო თეშ მიხედვით ადგინენს იეჰოვაშ მოწმეეფიშ რიცხვის. მაგალთო ამერიკას სტატისტიკურ აღწერაშ ბიურო იჩიებ, ნამდა გამოკითხვაშ მიზან რდუ, ქიგეგესკო, ნამ რელიგიურ ჯგუფიშ წევრო მიორჩქჷ პიროვნებას მუშ დუდ. თე ბიუროქ თინა ხოლო თქუ, ნამდა შედეგეფ „სუბიექტურ რდუ დო ვართ ხოლო ობიექტურ“. თეშ გინაწონს, ჩქი იეჰოვაშ მოწმეეფო ხვალე თინეფს ფთვალუნთ, მით ქადაგენს დო რეგულარულო აბარენს მსახურებაშ ანგარიშის დო ვართ ხოლო თინეფს, მიდგას მუშ დუდ იეჰოვაშ მოწმეთ მიორჩქჷ.