მუშენ ვერინუანა იეჰოვაშ მოწმეეფ ჯვარს?

ბრელს წანს, ნამდა ჯვარ ქრისტიანობაშ სიმბოლო რე. მართალ რე, იეჰოვაშ მოწმეეფ ქრისტიანეფ ვორეთ, მარა ვებრინუანთ ჯვარს თაყვანიშცემაშ დროს. მუშენ?

ართ-ართ მიზეზ თინა რე, ნამდა მუჭოთ ბიბლიას რე მოჩამილ, იესო ჯვარს ვარინ ძელს მიკაჭკადეს. თეს გეძინელ, ბიბლია აფრთხილენს ქრისტიანეფს: „დუდ ეუჩილითეთ კერპთაყვანიშმცემლობას“ (1 კორინთელები 10:14; 1 იოანე 5:21).

საყურადღებო რე იესოშ სიტყვეფ: „ჩქიმ მოწაფეეფ რეთინ, თით გეგენა, ნამდა ართიანიშ ჸოროფა გაღვენუნა“ (იოანე 13:34, 35). თეთ იესოს თიშ რაგად ოკოდ, ნამდა მუშ ჭეშმარიტ მიმაჸუნალეფს დუდგინოდვალირ ჸოროფათ ოკო იჩინენდან დო ვართ ხოლო ჯვარიშ ვარდა შხვა გამოსახულებაშ თაყვანიშცემათ.