მუ რე სიცოცხლეშ აზრ?
მუ პასუხის მარზენა ბიბლია
ბრელს ოკო, ქიგეგას, მუ რე სიცოცხლეშ აზრ. ათეშენ თეცალ კითხვეფ ურჩქინდუნა: მუშენ გოფრჩქინდით თე ქიანას? მუ მიზან უღჷ ჩქინ არსებობას? ბიბლიაშე ბგებულენთ ჩქინ ცხოვრებაშ მიზანს — დევეახლოვათ ღორონთის. ქობძირათ მუსხირენ ძირითად ჭეშმარიტება, ნამდგას ბიბლია აარგამენს.
ღორონთ ჩქინ გუმაჭყაფალ რე. ბიბლია იჩიებ: „[ღორონთიშ] გუნაჭყეფ ვორეთ დო თის ვოკუთვნუთ“ (ფსალმუნი 100:3; გამოცხადება 4:11).
ღორონთიქ არძა მუშ გუნაჭყეფუს დანიშნულება მეჩჷ, თინეფ შქას ჩქი ხოლო (ესაია 45:18).
ღორონთიქ ადამიან „სულიერ მოთხოვნილებეფით“ გაჭყჷ, მუდგაშათ სიცოცხლეშ აზრიშ გაგებაშ სურვილ ხოლო მიშურს (მათე 5:3). თის ოკო, ნამდა დებკმაყოფილათ თე სურვილ (ფსალმუნი 145:16).
სულიერ მოთხოვნილებეფს ღორონთწკუმა ხოლოშიან ურთიერთობაშ გავითარებათ იბკმაყოფილენთ. მართალ რე, ართ მეჯინათ შილებე თეშ ირწყებედას, ნამდა ღორონთწკუმა მეგობრობა შეიოლებერ ვა რე, მარა ბიბლია ელამჩანა: „დეახლოვით ღორონთის დო თინა ხოლო დეგეახლოვებნა“ (იაკობი 4:8; 2:23).
ღორონთწკუმა მეგობრობა ქუმოკონან-და, ოკო შევასრულათ თი დანიშნულება, მუდგაშოთ ვორეთ გოჭყაფილ. ეკლესიასტეშ 12:13-ს ბიბლია მოგებაფუანა, მუ რე ღორონთიშ ნება: „ღორონთშა გოშქურდას დო მიაჸუნ თიშ მცნებეფს, მუშენდა თენა რე ადამიანიშ ვალდებულება!“.
მომავალს შემალებენა, ბოლოშა შევასრულათ ღორონთიშ მოჩამილ დანიშნულება, მუჟამსით თინა ბოლოს მუღენს ტანჯებას დო მარადიულ სიცოცხლეს ქიმეჩანს მუშ მეგობრეფს, მით მთელ გურით ომსახურ თის (ფსალმუნი 37:10, 11).