მუჟამ მეჭყორდუ ომეფ — მუს იჩიებ ბიბლია?

გაეროშ გენერალურ მდივანქ, ანტონიო გუტერეშიქ ირანიშ მხარეშე ისრაელშა თავდასხმაშ გურშენ, ნამდგაქ 2024 წანაშ 13 აპრილს მოხვად, თქუ: „დრო რე, სიტუაციაქ ქიკნიწყნარას; დრო რე, მხარეეფქ მაქსიმალურო გეგმირჩქინან დუდშეკება“.

ჩხუპ, ნამუთ ასე შქა აღმოსავლეთის მეურს, ართ-ართ რე თი კონფლიქტეფ შქას, ნამუთ მთელ მსოფლიოს რე.

„ამდღა მსოფლიოს თიშე უმოს მეტ ომეფ მეურს, ვინემ მაჟია მსოფლიო ომიშ უკულ მუთუნ დროს ჸოფე. თე ომეფქ 2 მილიარდ ადამიან — მსოფლიო მოსახლეობაშ ნანთხალ — დაზარალ“ (გაეროშ ელმაჩამალ უსაფრთხოებაშ საკითხის, 2023 წანაშ 26 იანარ).

თი ტერიტორიეფშა, სოდეთ ასე ომეფ მეურს, მიშურს ისრაელ, ღაზა, სირია, აზერბაიჯან, უკრაინა, სუდან, ეთიოპია, ნიგერ, მიანმა დო ჰაიტიa.

მუჟამ მეჭყორდუ ომეფ? ქიმიანჭირნენანო მსოფლიო ლიდერეფს მშვიდობაშა? მუს იჩიებ ბიბლია?

ომეფ მთელ მსოფლიოს

მთელ მსოფლიოს ომეფ რენ თენა ოძირანს, ნამდა მალას არძა ომ მეჭყორდუ, მუშენდა ამდღარ ომეფით ისრულებ ბიბლიურ წინასწარმეტყველება ჩქინ დროშ გურშენ. ბიბლია თე დროს მიშინუანს, მუჭოთ „ქვეყნიერებაშ ბოლოს“ (მათე 24:3).

• „ქიგეგენთ ომეფიშ ხონარს დო ქიმირჩქილუანთ ამბეეფს ომეფიშ გურშენ … ერ ერს გეგნენტერებ დო სამეფო სამეფოს“ (მათე 24:6, 7).

წეკითხით სტატია «მუ რე „ბოლო დღალეფიშ“ ნიშან?» [ქორთ.], ნამდა ქოძირათ, მუჭო ისრულებ ბიბლიურ წინასწარმეტყველება ამდღარ ომეფით.

ომ, ნამუთ არძა ომს მოსპუნს

ბიბლია წინასწარმეტყველენს, ნამდა ომეფ მისპუ. მუჭო მოხვადუ თენა? თენა ადამიანეფიშ ხეთ ვარინ, „ირფელიშშემალებე ღორონთიშ დიდ დღაშ“, არმაგედონიშ, საშვალებათ მოხვადუ (გამოცხადება 16:14, 16). თე ომიშ უკულ ღორონთ შეასრულენს მუშ დუნაპირებუს დო კაცობრიობა გეხარებ ულიებ მშვიდობათ (ფსალმუნი 37:10, 11, 29).

წეკითხით სტატია „მუ რე არმაგედონ?“, ნამდა ქიგეგათ მუჭო მოსპუნს ღორონთიშ ომ არძა ომს.