მსოფლიო შეიარაღებაშ ხარჯეფქ 2 ტრილიონ დოლარს გეგნაჩირთჷ—მუს იჩიებ ბიბლია?

მთელ მსოფლიოს 2022 წანაშ დინახალე შეიარაღებაშ ხარჯეფქ რეკორდულ რაოდენობას, 2.24 ტრილიონ დოლარს, ქიმიოჭირინუ. თეშ მთავარ მიზეზ რუსეთ-უკრაინაშ ომ რე. ართ-ართ წყაროშ (Stockholm International Peace Research Institute (SIPRI)) თანახმას, 2023 წანაშ აპრილიშ მონაცემეფით, 2022 წანას:

• ევროპას შეიარაღებაშ ხარჯეფქ „თე წანაშ დინახალე 13 პროცენტით მიძინ, მუთ 1991 წანაშ უკულ ვა მოხვალამე“.

• „რუსეთიქ... მუშ შეიარაღებაშ ხარჯეფს 9.2 პროცენტით მუძინ დო შედეგო მსოფლიოს შეარაღებაშო ხარჯებულ ფარაშ მიხედვით მახუთა ადგილს ქორდ-და, ასე უკვე მასმა ადგილს რე“.

• შეერთებულ შტატეფ თე საკითხის კინ პირველ ადგილს რე, მუშენდა „მუდგას მთელ მსოფლიოშ ქიანეფ ახარჯენა შეიარაღებაშენ, თიშ ნასმორშე უმოსის ახარჯენს“.

„ბოლო წანეფს გლობალურ შეიარაღებაშ ხარჯეფიშ მოძინა ოძირანს, ნამდა უსაფრთხო მსოფლიოს ვა ფცხოვრენთ“ (დოქტორ ნან ტეინ SIPRI-შ მარკვიებელ).

ბიბლიას ნაწინასწარმეტყველებ რდჷ, ნამდა არძაშ უმოს ძალიერ სახელმწიფოეფს ართიან შქას კონფლიქტ აღვენუდეს დო თინა ხოლო ჭარჷ, მუშ იმენდ შემლებნა მიღდან.

ნაწინასწარმეტყველებ რდჷ შეიარაღებულ კონფლიქტეფ

• ბიბლია ჩქინ დროს მიშინუანს, მუჭოთ „უკანასკნელ დროს“ (დანიელი 8:19)

• დანიელიშ წიგნის მოშინაფილ რე, ნამდა თე დროს იარსებენდეს მსოფლიო იმპერიეფ, ნამუთ „ართიანიშ წინააღმდეგ გიშელენდეს“, შხვანერო ქოფთქუათინ, ეცადებდეს ართიანშა გერჯგინას. თეცალ სამხედრო დაპირისპირებაშ შედეგო, ქიანაშ „ძვირფასეულობას“ დახარჯენდეს (დანიელი 11:40, 42, 43).

თიშ გაგებელო, მუჭო შესრულ თე ბიბლიურ წინასწარმეტყველებაქ, ქუჯინით ვიდეოს „შესრულებურ წინასწარმეტყველებეფ—დანიელიშ მა-11 დუდ“.

მუჭო დოდირთუ მშვიდობა?

• ბიბლია იჩიებ, ნამდა ღორონთ დოთირანს ადამიანურ მართველობას. თინა „დამყარენს სამეფოს, ნამუთ დღას ვეკოცენს. თე სამეფო შხვა ხალხის ვეგნაჩამუ. თინა აკარღვანს დო ბოლოს მუღენს არძა თე სამეფოს, დო მუ მარადიულო იჸუაფ“ (დანიელი 2:44).

• იეჰოვაa ღორონთ მალას გაკეთენს თის, მუდგაშ კეთება ადამიანურ მთავრობეფს ვეშულებნა—თინა ნამდვილ მშვიდობას ქუმომღანა. ღორონთიშ სამეფო მოსპუნს არძა იარაღის დო ბოლოს მუღენს ძალადობას (ფსალმუნი 46:8, 9).

თიშ გაგებელო, მუს მიღანს ღორონთიშ სამეფო, წეკითხით ართ-ართ სტატია ჩქინ ვებგვერდის (ღვთის სამეფოს მმართველობის დროს „იმეფებს მშვიდობა“).