მეცნიერეფქ „განკითხვაშ დღაშ საათის“ წოხოლე გინუკინეს — მუს იჩიებ ბიბლია?

2023 წანაშ 24 იანარს მეცნიერეფქ „განკითხვაშ დღაშ საათისa“ წოხოლე გინუკინეს. თენა სიმბოლურო ნიშნენს, ნამდა სერიშ 12 საათშახ, სამყაროშ აღსასრულშახ, ასე უმოს ჭიჭე დრო რე დოსქილადირ.

• „განკითხვაშ დღაშ საათიქ, ნამუთ კაცობრიობაშ განადგურებაშახ დოსქილადირ დროშ სიმბოლო რე, თახაშხას წოხოლე გინიკინ. თეშ მიზეზიქ უკრაინაშ ომქ დო ბირთვულ ომიშ საფრთხექ იჸუ“ („AFP International Text Wire“).

• თახაშხას მეცნიერეფქ გიმაცხადეს, ნამდა განკითხვაშ დღაშახ 90 წამ რე დოსქილადირ დო კაცობრიობა თეცალ ხოლოს დღას ვა ჸოფე განადგურებაწკუმა („ABC News“).

• საერთაშორისო სამეცნიერო საზოგადოება მაფრთხილენა, ნამდა კაცობრიობა თიცალ საფრთხეშ თუდო რე, მუნერით დღას ვა ჸოფე („გარდიან“).

მართალო გენადგურებნო კაცობრიობა დო ჩქინ პლანეტა? ოკო მოშქურდანიო მომავალშა? მუს იჩიებ ბიბლია?

მუ მელნა მომავალს

ბიბლიას ჭარჷ, ნამდა „დედამიწა მარადიულო სქიდუ“ დო ადამიანეფ „მარადიულო იცხოვრენა თექ“ (ეკლესიასტე 1:4; ფსალმუნი 37:29). თაშ ნამდა, ადამიანეფს ვა განადგურებენა დედამიწა დო ვართ სიცოცხლეშ მოსპუალა შეიალებენა თე პლანეტას.

მარა ბიბლიას სინამდვილეს ჭარჷ აღსასრულიშ გურშენ ხოლო. თინა იჩიებ: „გინურს თე ქვეყნიერება“ (1 იოანე 2:17).

• წეკითხით სტატია „განადგურებაშა მეურსო მსოფლიო? მუ რე აპოკალიფს?“ [ქორთ.]. დო ქიგეგით, მუს ნიშნენს ბიბლიას ინოჭარილ აღსასრულ.

• წეკითხით სტატია „მუჟამ მოურს ქვეყნიერებაშ აღსასრულ?“ [ქორთ.]. დო ქიგეგით, მუს იჩიებ ბიბლია მომავალ მოვლენეფშე.

გიღდან დადებით განწყობა

მუჭო შეულებ ბიბლიას მიმეხვარან, ნამდა ამდღარ სირთულეეფიშ უმკუჯინუო, ვა ვოდინუათ დადებით განწყობა.

• ბიბლია პრაქტიკულ რჩევეფს მარზენა (2 ტიმოთე 3:16, 17). მაგალთო, წეკითხით სტატია “მუჭო ვორჯგინათ ოწუხებელს?” [ქორთ.]. დო ქიგეგით, მუჭო მოხვარნა ბიბლია, სირთულეეფიშ უმკუჯინუო დადებით განწყობა მიღდან.

• ბიბლია მომავალიშ იმენდის მარზენა (რომაელები 15:4). თექ კილკილშა რე ეჭარილ ამდღარ მდგომარეობა დო თინა ხოლო, მუს ოკო ველდათ მომავალს. თენა მოხვარნა მომავალს იმენდიშ თოლით უჯინათ.

მთელ გურით ელაიჩანთ, ქიდიჭყათ ბიბლიაშ უფასო გურაფა, ნამდა უმოს ქიგეგათ თე წიგნშე.