უკრაინაშ ომიშ შედეგო გლობალურ სასურსათო კრიზის იძინანს

2022 წანაშ 19 მესის, გაეროშ უშიშროებაშ საბჭოქ 75-შე მეტ ოფიციალურ წარმომადგენელშე მირჩქილუ, ნამდა „სასურსათო კრიზის, ნამდგაშა უკვე იმოქმედ კოვიდ-19 პანდემიაქ დო კლიმატიშ ცვლილებაქ, უკრაინაშ ომიშ შედეგო, მსოფლიოშ ნამთინე კუნთხუს უკვე გინმურს შქირენაშა“. თეშ უკულ, ხეთეშე ჟურნალ „ეკონომისტის“ თეცალ მუდგარენქ იჭარ: „თეშით ხოლო პრობლემეფით ეფშა მსოფლიოს, ომიშ შედეგო ხოლო უმოს მეტ ხალხ რე შქირენულ“. ბიბლიას ნაწინასწარმეტყველებ რე, ნამდა ჩქინ დროს იჸუაფუდ ოჭკუმალიშ სინაკლებე, მარა თეს გეძინელ, თინა მოხვარნა, ქუგურზათ თე პრობლემას.

ბიბლიაქ იწინასწარმეტყველ, ნამდა იჸუაფუდ ოჭკუმალიშ სინაკლებე

•  იესოქ იწინასწარმეტყველ: „ერ ერს გეგნენტერებ დო სამეფო სამეფოს გეგნენტერებ, იჸუაფ ოჭკუმალიშ სინაკლებე“ (მათე 24:7).

•  ბიბლიაშ წიგნ გამოცხადება ეჭარუნს ოთხ სიმბოლურ მხედარს. თინეფშე ართ განასახიერენს ომს. თის ეკოჸუნს შხვა მხედარ, ნამუთ შქირენას განასახიერენს. შხვანერო ქოფთქუათინ, განასახიერენს თი დროს, მუჟამსით რთულ იჸუაფუდ ოჭკუმალიშ შიბა დო მანგარ ძვირ იღირუაფუდ თინა. «უჩა ცხენ ქობძირ. მით თის გეხედ, ხეს სასწორ უკებუდ. ქიგებგონ მუდგარენ ხონარ . . . „ართ საწყაო ქობალიშ კაკალ ართ დინარშა დო სუმ საწყაო ქერ ართ დინარშა“» (გამოცხადება 6:5, 6).

ბიბლიურ წინასწარმეტყველება ოჭკუმალიშ სინაკლებეშ გურშენ ჩქინ დროს ისრულებ, ნამდგას ბიბლია მიშინუანს, მუჭოთ „ბოლო დღალეფ“ (2 ტიმოთე 3:1). „ბოლო დღალეფიშ“ დო გამოცხადებას მოშინაფილ ოთხ მხედარიშ გურშენ უმოს მეტიშ გაგება ქუგოკონან-და, შეილებნა ქუჯინათ ვიდეოს „1914 წანაშ უკულ მსოფლიოქ დითირ“ დო წეკითხათ ართ-ართ სტატია ჩქინ ვებგვერდის („რას განასახიერებს ოთხი მხედარი?“).

მუჭო მოხვარნა ბიბლია?

•  ბიბლია მარზენა პრაქტიკულ რჩევეფს, მუთ მოხვარნა, ქუგურზათ რთულ სიტუაციეფს, მუდგაშა ოჭკუმალიშ სინაკლებე დო პროდუქტეფიშ გაძვირება ხოლო მიშურს. თეწკუმა დაკავშირებით, შეილებნა ქოძირათ ართ-ართ სტატია ჩქინ ვებგვერდის („როგორ ვიმყოფინოთ შემოსავალი?“).

•  თეს გეძინელ, ბიბლია მარზენა იმენდის, ნამდა ირფელ უჯგუშობაშა დითირუ. თინა მოპირნა, ნამდა დოდირთუ დრო, მუჟამსით „ხვეიანო იჸუაფ მარცვლეულ დედამიწას“ დო არძას აღვენუ დასაბაღ ოჭკუმალ (ფსალმუნი 72:16). მომავალწკუმა დაკავშირებულ ბიბლიურ იმენდიშ დო თიშ გაგებელო, მუშენ შეილებნა რჯერდან თიშ, წეკითხით ართ-ართ სტატია ჩქინ ვებგვერდის („უკეთესი მომავლის რეალური იმედი“).