ობადია – გევითარით ღორონთიშ რიდ

ობადია რდჷ უბადო მეფე ახაბიშ სასახლეშ გამგებელ. თე მეფექ მთელ ქიანა გეიოფშჷ ბაალიშ თაყვანიშცემათ. მარა ობადიას ბაღანობაშე იეჰოვაშ რიდ უღუდ (1 მეფ. 18:1–13). მუჟამსით დედოფალ იზებელქ ზოჯჷ, იეჰოვაშ არძა წინასწარმეტყველ გოჭყვიდესკო, ობადიას დაუბაღ გაბედულებაქ, ნამდა ქიმეხვარუკო თინეფს. თეცალ სიტუაციას ართ წინასწარმეტყველიშ ტყობინაფას ხოლო შილებედ ქიგიოდინუკო კოჩიქ, მარა თქვა წერმიდგინით, ობადიაქ 100 წინასწარმეტყველ გეგნატყობინუ დო ოჭკუმალ ხოლო მეუღუდ თინეფშა, მუჟამსით ქიანას შქირენა რდჷ. მუნერ ძნელ იჸიდ თე ირფელ თეშ გაკეთუკო, ნამდა ოშობით ტყურა წინასწარმეტყველქ, დედოფალქ დო მეფექ ვეგეგუკო თე ამბე (1 მეფ. 18:19).

მუს ბგურაფლენთ ობადიაშე? მუშო ოკო რაგად, თის ახაბშა ხოლო ოშქურუდკონ იჸიდ, მარა იეჰოვაშ რიდ უმოს ძალიერ რდჷ, ვინემ მეფეშ შიშ. ზუსტას თე რიდიქ მეჩჷ თის გაბედულება, ნამდა მუშ სიცოცხლე გარისკუკო დო დოთხილუკო წინასწარმეტყველეფ. ჩქი ხოლო ოკო მიღუდან ღორონთიშ რიდ, განსაკუთრებულო თიმწკუმა, მუჟამსით თიცალ ტერიტორიას ფცხოვრენთ, სოდეთ ჩქინ ხალხის თხოზუნა. თენა ქომუჩანა გაბედულებას, ქელუდირთათ ჩქინ და დო ჯიმალეფს რთულ სიტუაციეფიშ დროს.