იესოქ „მორჩილება ქიდიგურუ“

მუჭოთ მიჩქუნა, იესო ირო ომორჩილუდ იეჰოვას (იოან. 8:29). იმწკუმა, მუშენ ჭარჷ თიშ გურშენ ბიბლიას: „[თიქ] მორჩილება ქიდიგურუ თით, მუთ გინიღ“ (ებრ. 5:8).

დედამიწას ცხოვრებაშ დროს იესოქ თიცალ სიტუაციეფს მოხვად, მუნერსით ზეცას ცხოვრებაშ დროს დღას ვა მოხვადუდ. მაგალთო, თინა, მართალ რე, ღორონთიშ ართგურ, მარა არასრულყოფილ მშობლეფქ რდესჷ (ლუკ. 2:51). იესოს რელიგიურ ლიდერეფ დო მმართველეფ გლახათ ოქცუდეს (მათ. 26:59; მარ. 15:15). თეწკუმა ართო, თიქ წამებულო ღურჷ; მუჭოთ ბიბლიას ჭარჷ, „სარკო თანდაბლობა გიმირჩქინ . . . დო მორჩილ რდჷ ღურაშახ“ (ფილ. 2:8).

თე ირფელქ იესოს თიცალ თანდაბლობა ქუდაგურუ, მუნერით ზეცას ვა უგურუაფ. შედეგო, თიცალ სრულყოფილ მეფეთ დო მღვდელმთავარო გინირთჷ, მიდგას ბოლოშა შეულებ ჩქინ მდგომარეობაშა მიშულა (ებრ. 4:15; 5:9). იესოქ იეჰოვაშო უმოს ძვირფასო გინირთჷ, მუჟამსით „მორჩილება ქიდიგურუ თი ირფელშე, მუთ გინიღ“. ჩქი ხოლო, რთულ სიტუაციეფს ხოლო იეჰოვაშ მორჩილეფ ქუდოფსქიდუთ-და, თიშ თოლს უმოს ფას მაღვენუნა დო უმოსო გეგმომრინუანა შხვადოშხვა დავალებაშო (იაკ. 1:4).