ᲔᲚᲐᲘᲩᲐᲜᲗ, ᲥᲝᲫᲘᲠᲐᲗ
მუ მიგეხვარებ მუხლეფიშ დამახსოვრებას?
დღას ქოჸოფენო, ნამდა გაიჭირდჷ გიჸორდუნ ფერ ბიბლიურ მუხლიშ გოშინაქ? შილებე თენა თიცალ მუხლ რდუკო, ნამუთ გურშა ელაიკინანს, გოხვარ არასწორ აზრეფიშ ჩათხინაფას ვარდა უბრალოთ მიდგაინს გოკოდ უწიკო, მუ ინოჭარ თექ (ფსალმ. 119:11, 111). მორთ მუსხირენ რჩევა გუვარჩუათ, ნამუთ მუხლეფიშ დამახსოვრებას მიგეხვარებ.
გეგმირინე ტეგეფიშa ფუნქცია JW ბიბლიოთეკას. გაკეთ ტეგ, ქიგიოჭარ „მიჸორსინ ფერ მუხლეფ“ დო თექ დოჩვი თი მუხლეფ, ნამუთ გოკო, დემახსოვრენ.
თიცალ ადგილს გიღუდას, სოდეთ თოლშა მოიოლუ. დამახსოვრება გოკონ თი მუხლ ფურცელს ქიგიოჭარ დო ხშირას ძირუნქინ ფერ დიხას ქუდოდვ. მაგალთო, ნამთინე სარკეს ვარდა მაცივარიშ კარს მიკაჭაბანს. ნამთინე ხოლო სურათის გინუღანს დო ტელეფონს ვარდა კომპიუტერს ფონს გიორინუანს.
ქიგიოჭარ სტიკერეფს. ფურცელიშ ართ მხარეს ქიგიოჭარ ბიბლიურ მუხლ დო მაჟიაჸურე ქიგიოჭარ, სო ჭარჷ ბიბლიას. უკულ ქიგიოჯინ ქარღადიშ თი მხარეს, სოდეთ მუხლიშ სიტყვეფ ჭარჷ დო ქეცად, ქიგიშინე, სო ინოჭარ თინა. ვარდა პირიქით, დიო მუხლის ქიგიოჯინ დო ქიგიშინ, მუ ჭარჷ თექ.
[სქოლიო]
a თე ფუნქციაშ გურშენ უმოსიშ გაგებელო ქოძირით ვიდეოეფ „გეგმოცადით ხიოლ მოწაფეეფიშ მომზადებაშ საქმეს — მიღით იეჰოვაშე მოხვარა — ორკვიებელ საშვალებეფ“ დო „მუს მიოჭირინუ ორგანიზაციაქ — JW ბიბლიოთეკაშ ფუნქციეფ“.