ქორენო სქანო ბიბლია სარკეცალ?

მოციქულ იაკობიქ ბიბლია შეადარ სარკეს, სოდეთ შემლებუნა ჩქინ შინაგან პიროვნებას ქიდვეკვირათ (იაკ. 1:22–25). მუჭო შეილებ სწორას გეგმირინუე თე „სარკე“?

იკითხ ყურადღებათ. სარკეშა ინოჯინა დო ხეთეშე მიკიბრთუთ-და, შილებე მუთუნ კილ ვა ბძირათ. თეშნერო, ჩქინ შინაგან პიროვნებას მუ მაფუნა გაუჯგუშებელინ თენა ქობძირათინ, გურგედვალირო ოკო იპკითხათ ღორონთიშ სიტყვა.

სქან დუდის დეკვირ დო ვართ ხოლო შხვას. სარკეშა ინოჯინაშ დროს შხვეფიშ ძირაფა ხოლო შემლებუნა დო თე დროს შილებე თინეფიშ კილქ ხოლო ქუმომიოლან თოლშა. თეშნერო, შილებე ბიბლიაშ კითხირქ შხვეფიშ შეცდომეფ ხოლო ქუმოძირან, მარა თენა ჩქინ დუდიშ გაუჯგუშებას ვემმეხვარებუნა.

ნაბეტან ვემითხუა სქან დუდშე. სარკეშა ინოჯინაშ დროს ხვალე ჩქინ კილს ქუვოკვირუთ-და, გურ გომტირხუნა. ბიბლიაშ კითხირიშ დროს გაწონასწორებულ ოკო ვორდათ ჩქინ დუდწკუმა დო თისხი ვა მოფთხუათ, მუზმასით იეჰოვა ვა ფთხულენა (იაკ. 3:17).