ხანტუა მიგეხვარებ დამახსოვრებას

ბრელს უჭირს თიშ დამახსოვრება, მუდგას გურაფლენს. სი ხოლო თაშ ხომ ვა რექჷ? ქუდაკვირებექო, ნამდა იესოშ მოჸუნაფილ მაგალითეფ ხეთეშე გუმაშინენა, მუშენდა თინეფს გონებას წერმიბდგინენთ დო თენა მოხვარუნა დამახსოვრებას. თეშნერო, მუდგას გურაფლენქინ თის წერმიდგინენქ-და, ნაგურეფ უჯგუშო დეგემახსოვრებ. მუ მიგეხვარებ თეს? ჭიჭე ჩანახატეფიშ კეთება.

ბრელ უჯგუშო იმახსოვრენს ნაგურეფუს, მუჟამსით მუდგარენ ახალიშ გურაფაშ დროს ჩანახატეფს ორთჷ. თენა ხვალე სიტყვეფიშ ვარინ, მთავარ აზრეფიშ ინონჭაფას დო დამახსოვრებას ხოლო ოხვარ თინეფს. აუცილებერ ვა რე, სასწაულ მახანტალ რდე; ჩიება მეურს უბრალო, მანგარ მარტივ ჩანახატეფშე. გურაფაშ დროს ჭიჭე ჩანახატეფიშ კეთება განსაკუთრებულო ხანშამიშულირეფს ოხვარ.

უკულიან გურაფაშო ქეცად ჩანახატეფიშ კეთებას დო შილებე გაიკვირდუნ თეშ ქიმუხუჯუე თე მეთოდის.