ᲔᲚᲐᲘᲩᲐᲜᲗ, ᲥᲝᲫᲘᲠᲐᲗ
მუშ კეთება შეილებუნა პირად გურაფაშ ვარდა ოჯახურ თაყვანიშცემაშ დროს?
ჩქი იეჰოვას ხვალე კრებაშ შეხვალამეფს დო კონგრესეფს ვა ფცენთჷ თაყვანს, მუჟამსით შხვეფწკუმა ართო იფშაყარუთ. ღორონთიშ თაყვანიშცემაშ შესაძლებლობა პირად გურაფაშ დო ოჯახურ თაყვანიშცემაშ დროს ხოლო მერზიებუნა. თუდო ქოძირუნთ, მუშ კეთება შეილებნა თე დროს:
მემზადით კრებაშ შეხვალამეფშო დო მუსხირენშა ქიბირით თი ობირეშეფ, ნამუთ შეხვალამას იჸუაფ. თეს გეძინელ, ჯგირ იჸუაფ ოჯახის კომენტარს არძა მამზადენთ-და.
წეკითხით ნამდგაინ ბიბლიურ მონაკვეთ. თეშ უკულ, დოხანტით ვარდა დოჭარით თინა, მუთ კითხირებულშე დიგურეთ.
წეკითხით ბიბლიას მოჩამილ ნამდგაინ ლოცვა დო უკულ გარჩით, მუჭო შეილებუნა თქვან ლოცვეფიშ გაუჯგუშება.
ქუჯინით ჩქინ ვებგვერდის მოჩამილ ნამდგაინ ვიდეოს დო უკულ ართო გარჩით ვარდა დოჭარით თინა, მუდგაქ ვიდეოშე მიგეწონეს.
მემზადით მსახურებაშო. შეილებუნა ქადაგებაშ ინსცენირება ხოლო გაკეთათ.
ქიდეკვირით გუნაჭყეფუეფს დო დეფიქრით ვარდა ოჯახწკუმა ართო გარჩით, მუს გურაფლენთ თინეფშე იეჰოვაშ გურშენ.a
a ქოძირით 2023 წანაშ მარტიშ „გინაჯინალ კოშკის“ მოჩამილ სტატია „გუნაჭყეფუეფშე დაკვირებათ უმოსო გეჩინებაფეთ იეჰოვა“.