შემთხვევა

შხვეფიშ გაჭირებაშ გურშა მეღალა

ახალ ზელანდიას მახორუ ართ დაქ ვებგვერდის jw.org ქუჯინ ვიდეოს, სოდეთ გარჩიებულ რდჷ, ნამდა იეჰოვას გურშა მეუღ შხვეფიშ გაჭირება დო თეს საქმეეფით ხოლო ოძირანს (ეს. 63:7—9). თე დაქ გინოჭყვიდ, გეგმირინუკო ნაგურეფ დო პრაქტიკულო მეხვარკო შხვეფს. ვიდეოს უჯინუნ თიმ დღას პროდუქტეფიშ ოჸიდირშა მიდართჷ, სოდეთ ართ ოსურს ქეშეხვად, ნამდგას ჸუდე ვა უღუდ დო ქეშეთავაზ, ნამდა ოჭკუმალს ქუჸიდენდჷ, მუდგაშეთ თე ოსურს ვარია ვა უთქუალ. ოჭკუმალ ქიმუღუნ უკულ, ქუქადაგ დო ქაძირუ ბუკლეტ „დღას მეღებუნო ტანჯებას ბოლო?“.

თე ოსურს ნგარაქ გეუოლ. თიქ ჩქინ დას უწუ, ნამდა იეჰოვაშ მოწმეეფიშ ოჯახის მირდჷ, მარა პირადო მუს ნაბიჯეფ დღას ვეგნუდგუმ. ამარდე თის იეჰოვაშა ლოცვას უთხუ, ნამდა ქიმეხვარკო თიწკუმა დაახლოებას. დაქ თე ოსურს ბიბლია ქიმეჩ დო მირაგადუეს ბიბლიაშ გურაფაშ ჩატარება.a

ჩქი ხოლო შემლებნა მივაჸუნათ იეჰოვაშ მაგალითის დო გურშა მიბღათ ჩქინ ნათესეეფიშ დო კრებას, და დო ჯიმალეფიშ გაჭირება. თეს გეძინელ, შხვეფიშ გაჭირება გურშა მემღუნა თიმწკუმა ხოლო, მუჟამსით ბგორუნთ შესაძლებლობეფს, ნამდა სახიოლო ამბეშ გურშენ ქივეჩუათ შხვეფს.