ჯვეშ დროს მახორუ ისრაელეფცალო ჩქი მუშენ ვა ბღებულენთ მონაწილებას ომეფს?

„ᲜᲔᲑᲘᲡᲛᲘᲔᲠ, მით ვარიას თქუანთ საფრანგეთიშ ვარდა ინგლისიშ წინააღმდეგ ბრძოლას მონაწილებაშენ, დოღურუთ!“ — გეუღვარუ ნაცისტ ოფიცერქ იეჰოვაშ მოწმეეფიშ ჯგუფის მაჟია მსოფლიო ომიშ დროს. თიშ უმკუჯინუო, ნამდა გოხოლუას სრულას შეიარაღებულ ესესელ ჯარიშკოჩეფ გერდეს, ნამთინ იეჰოვაშ მოწმეს ვა ულინ ღორონთიშ კანონიშ წინააღმდეგ. მუშმადიდა გაბედულებაშ მაგალით რე! თავრეშე ჯგირო იძირე, მუნერ დამოკიდებულება მიღნა იეჰოვაშ მოწმეეფს ომიშ მიმართ. ჩქი ვარიას იფჩიებუთ ომეფს მონაწილებაშე თიმწკუმა ხოლო, მუჟამსით ღურათ მორცქინანა.

1) ᲦᲝᲠᲝᲜᲗᲘᲨ ᲮᲐᲚᲮ ᲐᲠᲗ ᲔᲠᲨᲔ ᲠᲓᲷ

ულირს იეჰოვაქ მუშ ხალხო ართ ერ, ისრაელ, გიშეგორ. თიქ ისრაელეფიშ გურშენ თქუ: „არძა ხალხშე გეგშარგორუნთ დო ჩქიმ საკუთრება იჸუაფუთ“ (გამ. 19:5). თეს გეძინელ, ღორონთიქ თინეფს დიხა ხოლო გიშურთჷ. თაშ ნამდა, მუჟამსით ღორონთ ისრაელეფს მითითებეფს არზენდჷ, შხვა ერეფიშ წინააღმდეგ ოჩხუპებშა გეგშართესკო, თინეფს მუნეფიშ თანამორწმუნეეფიშ წინააღმდეგ ვაჸიდეს ოჩხუპებელ დო ვართ ოჸვილარ აჸიდეს თინეფ.a

ამდღა ღორონთიშ თაყვანიშმცემელეფ რენა „არძა ერშე დო ტომშე, ხალხშე დო ნინაშე“ (გამოცხ. 7:9). ღორონთიშ ხალხიქ ომეფს მონაწილება მიღასინ, თინეფს ოჩხუპებელ აჸინა თანამორწმუნეეფიშ წინააღმდეგ დო ოჸვილარ ხოლო აჸინა თინეფ.

2) ᲘᲔᲰᲝᲕᲐ ᲐᲠᲖᲔᲜᲓᲷ ᲛᲘᲗᲘᲗᲔᲑᲔᲤᲡ ᲘᲡᲠᲐᲔᲚᲔᲤᲡ, ᲛᲘᲓᲐᲠᲗᲔᲡᲙᲝ ᲝᲛᲨᲐ

ულირს იეჰოვა გინოჭყვიდუნდჷ, მუშენ დო მუჟამ ოკო იდესკო ისრაელეფქ ომშა. მაგალთო, ღორონთიქ უზოჯ თინეფს, ქანაანელეფშა მუშ გიშაღალირ განაჩენ შეასრულესკო. თე ერიშ ცხოვრებაშ წეს რდჷ დემონეფიშ თაყვანიშცემა, გარყვნილება დო ბაღანეფიშ მსხვერპლო შეწირუა. ათეშენ იეჰოვაქ უზოჯ ისრაელეფს, განადგურესკო დუნაპირებ დიხას მახორუ თეცალ ხალხ, ნამდა მუნეფქ ხოლო ვა დიჭყესკო თეცალ საქმეეფიშ კეთება (ლევ. 18:24, 25). თიშ უკულ, მუთ ისრაელეფქ თე დიხას ქიდიხორეს, იეჰოვა მინშა არზენდჷ მითითებას, მიდართესკო ოჩხუპებშა, ნამდა დუდ დეცვესკო სასტიკ ნტერეფშე (2 სამ. 5:17—25). მარა იეჰოვას დღას ვემუჩამ ისრაელეფშა უფლება, მუნეფიშით გეგნოჭყვიდესკო ომშა ულა. მუჟამსით თეს მუნეფიშით გინოჭყვიდუნდეს, გლახა შედეგეფს ღებულენდეს (რიცხ. 14:41—45; 2 მატ. 35:20—24).

ამდღა იეჰოვა ვა ურაგად ადამიანეფს ომშა ულას. ერეფ თიშენ ჩხუპენა, ნამდა თენა ადამიანეფიშ ინტერესეფშა მიშურს დო ვართ ხოლო ღორონთიშ. თინეფ თი მიზანით მეულა ომშა, ნამდა გაფართოვან ტერიტორია ვარდა მიღან უმოს ფარა. თეს გეძინელ, ნამთინეს უღჷ პოლიტიკურ ვარდა იდეოლოგიურ მიზნეფ. მარა მუშ რაგად შილებე თინეფშე, მით აცხადენს, ნამდა ღორონთიშ სახელით გიშურს ოჩხუპებშა, მუშენდა დეცვას მუშ რელიგია დო დოჸვილას ღორონთიშ ნტერეფ? იეჰოვა დეცვენს მუშ თაყვანიშმცემელეფს დო განადგურენს მუშ ნტერეფს, მომავალ ომს, არმაგედონს (გამოცხ. 16:14, 16). თე ომს ხვალე ღორონთიშ ზეციერ ლაშქარ მიღენს მონაწილებას დო ვართ ხოლო დედამიწას მახორუ თიშ თაყვანიშმცემელეფ (გამოცხ. 19:11—15).

3) ᲘᲡᲠᲐᲔᲚᲔᲤ ᲕᲐ ᲸᲕᲘᲚᲣᲜᲓᲔᲡ ᲗᲘᲜᲔᲤᲡ, ᲛᲘᲗ ᲠᲬᲛᲔᲜᲐᲡ ᲒᲘᲛᲘᲠᲩᲥᲘᲜᲐᲜᲓᲷ ᲘᲔᲰᲝᲕᲐᲨ ᲛᲘᲛᲐᲠᲗ

ულირს ისრაელეფ უმენტაშო იჭყოლოფუანდეს თინეფს, მით რწმენას გიმირჩქინანდჷ ღორონთიშ მიმართ დო ხვალე თინეფს ჸვილუნდეს, მიდგა იეჰოვაშ თოლს ღურას იმსახურენდჷ. ქიმიპჸონათ ჟირ მაგალით. თიშ უმკუჯინუო, ნამდა იეჰოვაქ უზოჯ ისრაელეფს, გუნადგურებდესკო მთელ იერიხონ, თინეფქ დენდეს რახაბ დო თიშ ოჯახ, მუშენდა თიქ რწმენა გიმირჩქინ (იეს. 2:9—16; 6:16, 17). უმოს გვიანო ისრაელეფქ გაბაონელეფიშ მთელ ქალაქ ვა განადგურეს, მუშენდა თე ქალაქის მახორუ ხალხიქ ღორონთიშ შიშ გიმირჩქინ (იეს. 9:3—9, 17—19).

ამდღა ერეფ შქას ჩხუპიშ დროს ვეჭყოლოფუანა მორწმუნეეფს. ხშირას ჯარიშკოჩეფ დუდის ვა ურიდანა უბრალო ხალხიშ ჸვილუას.

4) ᲘᲡᲠᲐᲔᲚᲔᲤ ᲛᲔᲸᲣᲜᲓᲔᲡ ᲦᲝᲠᲝᲜᲗᲘᲨ ᲮᲔᲛᲫᲦᲕᲐᲜᲔᲚᲝᲑᲐᲡ ᲝᲛᲘᲨ ᲓᲠᲝᲡ

ულირს იეჰოვა ისრაელ ჯარიშკოჩეფშე ითხინდჷ, ომიშ დროს მიაჸუნესკო მუშ მითითებეფს. მაგალთო, მინშა ღორონთ ავალენდჷ, ზავ გეგმუცხადესკო მოწინააღმდეგეშ ქალაქის (კან. 20:10). თეს გეძინელ, იეჰოვა ისრაელ ჯარიშკოჩეფშე ელუდ, ფიზიკურ დო ზნეობრივ სისუფთავე ვადინუესკო (კან. 23:9—14). ხშირას, მუჟამსით ისრაელიშ გოხოლუას მახორუ ერეფ გიორჯგინანდეს მოწინააღმდეგეეფს დო თინეფიშ ქალაქის ეჭოფუნდეს, თექიან ოსურკათას აუპატიურენდეს, მარა იეჰოვა უფლებას ვარზენდჷ მუშ ხალხის, თაშ მიქცისკო. თენა ვარინ, თინეფს ტყვეთ ჸუნაფილ ოსურკოჩშა ხვალე ართ თუთაშ უკულ შეულებდეს დაქორწინება (კან. 21:10—13).

ამდღა ქიანეფიშ უმენტაშ დვანს საერთაშორისო ხელშეკრულებეფს, ნამდა თეთ აკონტროლან ომი. მართალ რე, თეს უდანაშაულო მოსახლეობაშ დაცვებელო ორთნა, მარა ქიანეფ ხშირას გინურთანა თე ხელშეკრულებეფს.

5) ᲦᲝᲠᲝᲜᲗ ᲑᲠᲫᲝᲚᲔᲜᲓᲷ ᲛᲣᲨ ᲮᲐᲚᲮᲨᲝ

ულირს იეჰოვა ბრძოლენდჷ ისრაელეფშო დო ხშირას სასწაულიშ საშვალებათ გიორჯგინაფუანდჷ ნტერეფშა. მაგალთო, მუჭო მეხვარ იეჰოვაქ ისრაელეფს, გეჭოფესკო ქალაქ იერიხონ? იეჰოვაქ მითითება მეჩჷ ისრაელეფს, ნამდა საომარ ყიჟინა ქიდიჭყესკო, მუდგაშ შედეგო ქალაქიშ კიდალეფქ აკოცუ დო თინა ადვილო გეჭოფეს (იეს. 6:20). მუჭო გიორჯგინეს თინეფქ ამორეველეფს? „იეჰოვა ზეცაშე შხუ-შხუ კირცხეფს ოჸოთანდჷ თინეფს“. მუ რდჷ შედეგ? „კირცხიქ უმოს მეტ დოჸვილ, ვინემ ისრაელეფიშ ყამაქ“ (იეს. 10:6—11).

ᲜᲐᲛᲓᲕᲘᲚ ᲥᲠᲘᲡᲢᲘᲐᲜᲔᲤ ᲛᲨᲕᲘᲓᲝᲑᲐᲡ ᲣᲜᲬᲧᲣᲜᲗ ᲮᲔᲡ

მუჭოთ ბძირით, ამდღარ ჩქინ სიტუაცია დო ჯვეშ ისრაელეფიშ სიტუაცია მანგარ განსხვავებულ რე, მარა ხვალე თეშ გურშენ ვებჩიებუთ ვარიას ომშა ულაშენ. მაგალთო, ღორონთიქ იწინასწარმეტყველ, ნამდა თინეფ, მით თიშე მიღენდჷ რჩქინას, მეტო ვედიგურუანდჷ ომს, მითუმეტეს მონაწილებას ვემიღენდჷ (ეს. 2:2—4). თეწკუმა ართო, იესოქ თქუ, ნამდა თიშ მოწაფეეფ ვეჸუაფდეს „ქვეყნიერებაშ ნაწილ“. თინეფ თე ქვეყნიერებაშ კონფლიქტეფს ნამთინიშ მხარეს ვეგერენა (იოან. 15:19).

მარა იესოქ თეშე მეტიშ კეთება დავალ მუშ მიმაჸუნალეფს. თიქ მითითება მეჩჷ თინეფს, ნამდა დუდ ეუჩილითესკო თიშნერ დამოკიდებულებას, ნამდგას მოჸუნს გაჟღამება, გურიშ მოულა დო ჩხუპ (მათ. 5:21, 22). ხვალე თენა ვარინ, მუშ მიმაჸუნალეფს თინა ხოლო უწუ, ნამდა ხე შეუნწყისკო მშვიდობას დო უჸორდესკო მუნეფიშ ნტერეფ (მათ. 5:9, 44).

მუჭო შემლებნა ჩქი თეშ კეთება? შილებე ომშა ულა ვამლამდან, მარა თიცალ მუთუნ ხომ ველაბძნა გურს, მუდგაქ შილებე კრებას კონფლიქტიშ მიზეზიქ ქიჸუას? მორთ ირფელ გუვაკეთათ, ნამდა ჩეფთხინუათ თეცალ აზროვნება (იაკ. 4:1, 11).

თიშ მანგიორო, ნამდა ერეფ შქას კონფლიქტის მიბღათ მონაწილება, ხეს უნწყუნთ, მიღდან მშვიდობა დო ჸოროფა ართიან შქას (იოან. 13:34, 35). მორთ ვა ვოდინუათ ნეიტრალურ პოზიცია დო ქუჯინათ თი დღას, მუჟამსით იეჰოვა სამუდამოთ მოსპუნს ომეფს (ფსალმ. 46:9).