ᲥᲘᲪᲮᲝᲕᲠ ᲥᲠᲘᲡᲢᲘᲐᲜᲣᲚ ᲞᲠᲘᲜᲪᲘᲞᲔᲤᲘᲗ
მშობლეფ, ქიმეხვარით სქუალეფს, მიღან ღორონთიშ სიბრძნე
ართ-ართ არძაშ უჯგუშ საშვალება, მუდგათ მშობლეფს შეულებნა მეხვარან მუნეფიშ სქუალეფს ღორონთშე სიბრძნეშ მეღებას, ქრისტიანულ შეხვალამეფ რე. თი ირფელ, მუდგას კრებას ორწყენა, ირჩქილენა დო თეს გეძინელ, მომზადებულ კომენტარეფიშ კეთება, იეჰოვაწკუმა აახლოვენს თინეფს დო ოხვარ თიშ მეგობრეფო გინირთან (კან. 31:12, 13). მშობლეფ, მუჭო შეილებნა მეხვარათ თქვან სქუალეფს, მეტ სარგებელ მიღან კრებაშ შეხვალამეფშე?
ირფელ გაკეთით, ნამდა კრებაშ შეხვალამეფს დარბაზის ქიდესწრათ (ფსალმ. 22:22).
ქიმეხვარით სქუალეფს, ურთიერთობა უღდან და დო ჯიმალეფწკუმა კრებაშ შეხვალამაშ დოჭყაფაშახ დო თებაშ უკულ (ებრ. 10:25).
დერწმუნით, ნამდა ოჯახიშ არძა წევრის უღჷ კრებას გარჩიებელ პუბლიკაციეფ, იჸინო თენა ბეშტელ დოვარ ელექტრონულ ვერსია.
ქიმეხვარით ბაღანას, მუშ სიტყვეფით მამზადას კომენტარ (მათ. 21:15, 16).
დადებითო იჩით კრებაშ შეხვალამეფშე დო თი გურაფაშე, მუდგას თაქ ბღებულენთ.
ქიმეხვარით სქუალეფს, მონაწილება მიღან დარბაზიშ დასუფთებას დო ურთიერთობა უღდან ხანშამიშულირ და დო ჯიმალეფწკუმა.
სქუალეფს იეჰოვაწკუმა დაახლოებას ქიმეხვარენ, დიდ ხანდას ითხინს დო მინშა შილებე თენა მანგარ ძნელო გაძირედან. მარა შეილებნა იეჰოვაშ მოხვარაშ იმენდ გიღდან (ეს. 40:29).
ᲥᲣᲯᲘᲜ ᲕᲘᲓᲔᲝᲡ „ᲛᲨᲝᲑᲚᲔᲤ, ᲥᲘᲛᲘᲔᲜᲓᲘᲗ ᲘᲔᲰᲝᲕᲐᲡ ᲓᲝ ᲗᲘᲜᲐ ᲫᲐᲚᲐᲡ ᲥᲘᲛᲔᲠᲩᲐᲜᲐ“. ᲣᲙᲣᲚ ᲥᲣᲞᲐᲡᲣᲮ ᲗᲣᲓᲝ ᲛᲝᲩᲐᲛᲘᲚ ᲙᲘᲗᲮᲕᲔᲤᲡ:
მუჭო იმოქმედ გინოშულადაქ ზაკ დო ლეაშა?
მუშენ ოკო თხუან მშობლეფქ იეჰოვას მოხვარა?
მუჭო მიენდეს ზაკ დო ლეაქ იეჰოვას?