მუ საქმეეფი იკეთებაფუაფ ფილიალს?

ბეთელიშ ოჯახიშ წევრეფი შხვადოშხვა განყოფილებას მსახურენა დო ართ ვარდა მუსხირენ ქიანას ქადაგებაშ საქმეშ წიმიულას უნწყუნა ხეს. ნამთინე მსახურენს თარგმნუაშ განყოფილებას, ნამთინე — სტამბას, კინძუაშ განყოფილებას, ლიტერატურაშ საწყობის, აუდიო-ვიდეო ინმაჭარალ სტუდიას, მინ ხოლო შხვა აუცილებერ საქმეეფს ორთუ. თე ირფელს ფილიალი მიკაჯინე.

ფილიალიშ კომიტეტ ზედამხედველენს ფილიალს. ხემანჯღვერე საბჭო თითოულ ფილიალიშ ზედამხედველობას ფილიალიშ კომიტეტის ონდუ. თე კომიტეტის რენა სუმ ვარდა სუმშე მეტ სულიერო მოწიფულ დო გამოცდილ უხუცესეფი. თითოულ ფილიალიშ კომიტეტი ანგარიშის უჯღონანს ხემანჯღვერე საბჭოს თინეშ, ნამდა საქმეშ კურსის რდან დო უჩქუდან, მუჭო მეურს თეოკრატიულ საქმე მუნეფიშ ტერიტორიას. ანგარიშიშ გინოჯინაშ უკულ ხემანჯღვერე საბჭო გინმოჭყვიდუნს ნამ საკითხეფშენ იჩუან პუბლიკაციეფს, კრებაშ შეხვალამეფს დო კონგრესეფს. ხემანჯღვერე საბჭოშ წარმომადგენელეფი რეგულარულო იძირუანა ფილიალეფს დო კომიტეტეფს საჭირო ხენჯღვერუას არზენა, ნამდა მუნეფშა მენდებულ საქმე უჯგუშო აკეთან (იგავები 11:14). მუჟამს მთავარ სამმართველოშ წარმომადგენელ კომიტეტის იძირუანსინ, თის უღუ სპეციალურ პროგრამა. თე პროგრამაშა მიშმურს ფილიალიშ ტერიტორიას ოხორანან ფერ მაუწყებელეფშო გურიშ ემაკინალ მოხსენებაშ კითხირ ხოლო.

ფილიალი ზრუნენს მუშ ტერიტორიაშ კრებეფშო. ფილიალს მსახურენა ჯიმალეფი, ნამუსით უღნა პასუხიშმგებლობა, ხე შეუნწყუან ახალ კრებაშ გონწყუმას. თე ჯიმალეფი ხენჯღვერანა პიონერეფს, მისიონერეფს დო სარაიონო ზედამხედველეფს მუნეფიშ ფილიალიშ ტერიტორიას. თინეფს ოვალუნა დიდ დო ჭიჭე კონგრესეფიშ ჩატარება, სამეფო დარბაზეფიშ შენება დო კრებეფშა ლიტერატურაშ მუშ დროს მეჯღონა. ფილიალს ირნერ საქმე თიშო იკეთებაფუაფ, ნამდა მუთ შილებე მეტ კოჩიქ ქიმირჩქილუას სახიოლო ამბე (1 კორინთელები 14:33, 40).

• მუჭო თანამშრომლენს ფილიალიშ კომიტეტი ხემანჯღვერე საბჭოწკუმა?

• მუ საქმეეფი იკეთებაფუაფ ფილიალს?