მზათ რდათ „ბოლო დღალეფიშ“ ბოლო პერიოდშო

ჩქი „ბოლო დღალეფს“ ფცხოვრენთ, ათეშენ ოკო ველდათ, ნამდა დროშ მიკულაწკუმა ართო პრობლემეფ უმოსო მიძინანს (2 ტიმ. 3:1; მათ. 24:8). მუჟამსით სტიქიურ უბედრობეფ ხვადუ, იეჰოვაშ ხალხ დროულ მითითებეფს ღებულენს, ნამუთ თინეფიშ სიცოცხლეშ რსხებას ომსახურ. საჭირო რე, ამდღარშე ქიდიბჭყათ მომზადება სტიქიურ უბედრობეფშო დო ასეშე იბზრუნათ მუჭოთ ჩქინ სულიერობაშო, თეშ შხვა აუცილებერ საჭიროებეფშო (ლუკ. 16:10).

• სულიერო მომზადება: გიღდან ბიბლიაშ კითხირიშ დო პირად გურაფაშ ჯგირ განრიგ. მონაწილება მიღით მსახურებაშ შხვადოშხვა სფეროს. საჯიმალოწკუმა ართო დროებით ვეჸუათინ ხოლო, პანიკას ვენოლათ (ეს. 30:15). რშუდან, იეჰოვა დო იესო ირო თქვან ხოლოს იჸუაფნა (od 176 ¶15—17).

• ქიზრუნით აუცილებერ საჭიროებეფშო: სოთინ ონტებელქ ქუგაჸუანინ, ოჯახიშ თითოულ წევრის მზათ ოკო აფდას ოჭკუმალ, წყარ, წამალეფ დო შხვა საჭირო ნივთეფ, ნამუთ მუდგარენ პერიოდის დაიბაღნა (იგავ. 22:3; g17.5 4, 6).

ქუჯინ ვიდეოს „ქორეთო მზათ სტიქიურ უბედრობაშო?“. უკულ ქუპასუხ თუდო მოჩამილ კითხვეფს:

• 

  მუ ოკო ვაკეთათ, ნამდა სტიქიურ უბედრობას სულიერო მომზადებულეფ ქეშეფხვადათ?

• 

  მუშენ ოკო . . .

  • მიღდან ჯგირ კომუნიკაცია კრებაშ უხუცესეფწკუმა?

  • მაფდან მზათ აუცილებერ საჭიროებეფიშ ჩანთა?

  • მაფდან ნაფიქრებ, ნამ სტიქიურ უბედრობაქ შილებე მოხვადას ჩქინწკუმა დო მუჭო მიფქციებუთ თე დროს?

• 

  ნამ სუმ საშვალებათ შემლებნა მივეხვარათ შხვეფს, მუჟამსით სტიქიურ უბედრობა გიოტირხუნა დუდის?

ქოკითხ სქან დუდის: მუჭო მოძირ კორონავირუსიშ პანდემიაქ, ნამდა აუცილებერ რე, მზათ ვორდე საგანგებო სიტუაციეფშო?