ქორეთო მზათ საგანგებო სიტუაციეფშო?

მუთ უმოს ხოლოს ვორეთ თე ქვეყნიერებაშ აღსასრულწკუმა, თით უმოსო ველუთ, ნამდა მიძინანს სამოქალაქო არეულობა, ჩხუპეფ დო ტერორიზმ (გამოცხ. 6:4). მუჭო შემლებნა მივემზადათ თეცალ სიტუაციეფშო?

• მემზადით სულიერო: დეფიქრით თი ბიბლიურ პრინციპეფ დო შემთხვევეფშე, ნამუთ გაიმანგარენა იეჰოვაშ დო თიშ ორგანიზაციაშ მიმართ ნდობას დო მიგეხვარებნა, ვადინუათ ნეიტრალიტეტ (იგავ. 12:5; jr 125, 126 ¶23, 24). ზუსტას ასე რე თიშ დრო, ნამდა გამანგარათ მეგობრულ ურთიერთობეფ თანაქრისტიანეფწკუმა (1 პეტ. 4:7, 8).

• მემზადით პრაქტიკულო: წინასწარ მიფიქრით, ნამ ადგილ იჸუაფ უსაფრთხო თქვან ოცხოვრებელს. თეწკუმა ართო, გიღდან ოჭკუმალიშ დო საჭირო ნივთეფიშ მარაგ. დაგეგმილ გაფდან, მუს გაკეთენთ ჸუდექ დატებელქ ქუგაჸუეს-და. გეგნაჯინით, მუ გაფნა ენონწყილ აუცილებერ საჭიროებეფიშ ჩანთას დო ქიმშუძინით ფარა დო პირად უსაფრთხოებაშო საჭირო ნივთეფ, თინეფ შქას პირბადე დო ხელთათმანეფ. გიღდან უხუცესეფიშ საკონტაქტო ინფორმაცია დო დერწმუნით, ნამდა თინეფს ხოლო დაკავშირებენა თქვანდა (ეს. 32:2; g17.5 3—7).

საგანგებო სიტუაციაშ დროს: ქიმიაჸუნით სულიერ განრიგის (ფილ. 1:10). აუცილებერ ვა რენ-და, დუდ ეუჩილითეთ ჸუდეშე გიმულას (მათ. 10:16). შხვეფს ხოლო გუნაწილით ოჭკუმალ დო საჭირო ნივთეფ (რომ. 12:13).

ქუჯინ ვიდეოს „ქორეთო მზათ საგანგებო სიტუაციეფშო?“. უკულ ქუპასუხ თუდო მოჩამილ კითხვეფს:

• მუჭო მოხვარნა იეჰოვა სტიქიურ უბედრობეფიშ დროს?

• მუჭო მივემზადათ პრაქტიკულო?

• მუჭო შემლებნა დაზარალებურეფიშ მოხვარა?