გაუჯგუშით მსახურებაშ უნარეფ — ტელეფონით ქადაგება

მუშენ რე მნიშვნელოვან: ტელეფონით ქადაგება მსახურებაშ ართ-ართ მნიშვნელოვან სფერო რე, ნამდგათ შემლებნა სახიოლო ამბეშ გურგედვალირო ქადაგება (სქ. 20:24).a თენა საშვალებას მარზენა, ვუქადაგათ თინეფს ხოლო, მიდგაშა შხვადოშხვა მიზეზიშ გურშენ პირადო ვეშმახვამლენა.

მუჭო შეილებ თეშ კეთება:

• 

  მემზად. გეგშეგორ თიცალ საკითხ, ნამუთ სქან ტერიტორიას მახორუ ხალხიშ უმენტაშის ოინტერეს. უკულ მოკლეთ გეგმაჭარ, მუშ რაგად გოკო. ქიმიფიქრ, მუს თქუანქ, მუჟამსით ვაიპასუხენა დო გოკო, ხმოვან შეტყობინება ქიდიტუე. ჯგირ იჸუაფ სტოლს ქუმკოზოჯე დო ხეშხოლოს გიღდას თი ირფელ, მუდგას ჩიებაშ დროს გიახვილუქ, მაგალთო, ელექტრონულ მოწყობილობა JW ბიბლიოთეკაშა^® ვარდა jw.org^®-შა მიშაულარო.

• 

  ვენერვიანა. იჩი ბუნებრივო. გოძიცებულ სახე გიღდას დო თიცალ ჟესტეფ გაკეთ, ითამ თი პიროვნება გორწყედას. ვაკეთა უადგილო პაუზეფ. ჯგირ იჸუაფ შხვაწკუმა ართო ქიმსახურე. მობინადრე მუდგაინს ქორკითხენს-და, ხონარმაღალო გემეორ, მუშენდა სქან პარტნიორს ქეშიალებუას, ქიმგეხვარას პასუხიშ გორუას.

• 

  ქიდიტე შარა კინ მეკითხირშო. პიროვნებაქ დეინტერეს-და, ქუდუტე კითხვა, ნამდგას უკულიან რეკუას ქუპასუხენქ. შეილებ ქოუწუე, ნამდა პირადო ქიმუღანქ ვარდა ელექტრონულო ქოუჯღონანქ ართ-ართ პუბლიკაციას. თეწკუმა ართო, შეილებ ქოუწუე, ნამდა ტექსტურ შეტყობინებათ ვარდა იმეილით ქოუჯღონანქ ჩქინ ართ-ართ ვიდეოშ ვარდა სტატიაშ ლინკის. სიტუაცია საშვალებას ქუგარზენს-და, გაჩინებაფე ჩქინ ვებგვერდ.