გაკვეთილი 2
ბუნებრივ ჩიება
2 კორინთელები 2:17
მთავარ აზრი: იჩი ბუნებრივო დო შურდოგურით, ნამუთ ოძირანს, მუნერ დამოკიდებულება გიღჷ, მუჭოთ საკითხწკუმა, თეშ აუდიტორიაწკუმა ხოლო.
მუჭო შეილებ თეშ კეთება:
ქილოც დო ჯგირო მემზად. ქილოც, ნამდა ყურადღება სქან დუდშა ვარინ, თი ამბეშა გეგნიღე, მუდგას გინოჩანქ. ქიდემახსოვრ მთავარ აზრეფ. ორაგადე სქან სიტყვეფით ქოთქვი. ბეშტელ ტექსტ სიტყვა-სიტყვათ ვეგემეორა.
მთელ გურით იჩი. დეფიქრ, მუშენ ოსაჭირ ხალხის თე ამბეშ მორჩქილაფა. ხალხშე ქიფიქრენქ-და, სქან მანერეფშე, ჟესტეფშე დო სახეშე ხოლო გიმორჩქინდუ მეგობრულ დამოკიდებულება.
რაგადიშ დროს უჯინ მით გირჩქილენ თის. სქან კულტურას მეღებულ ქორენ-და, რაგადიშ დროს თოლს უჯინ პიროვნებას. მოხსენებაშ დროს ირო მთლიან აუდიტორიას ვეგნაჯინა, მინშა თითოულ პიროვნებას ქენაჯინ.