გაკვეთილი 15
დამაჯერებლობა
1 თესალონიკელები 1:5
მთავარ აზრი: ქაძირე აუდიტორიას, ნამდა რჯერს, მუდგას იჩიებუქინ სწორ დო მნიშვნელოვან რე.
მუჭო შეილებ თეშ კეთება:
ჯგირო მემზად. მასალა თეშ მამზად, ნამდა ჯგირო გარჩქილედას მთავარ აზრი დო შეილებდას თინა ბიბლიურ მუხლეფით გენწყე. ქეცად მთავარ აზრეფ მუსხირენ მარტივ სიტყვათ გეგნოჩე. დეფიქრ, მუჭო მეხვარებ თინა აუდიტორიას. ღორონც ქოთხი წმინდა შური.
თიცალ სიტყვეფ გეგმირინე, სოვრეშეთ დამაჯერებლობა იძირე. თიშ მანგიორო, ნამდა პუბლიკაციას ინოჭარუნ თინა სიტყვა-სიტყვათ გემეორე, ქეცად, სქან სიტყვეფით ქოთქუე ორაგადე. სქან ჩიებაშე ოკო იძირედას, ნამდა რჯერს მუდგას იჩიებუქ.
რდა ალალი დო მტკიცე. იჩი შესაფერის ხუმაშ სიმაღლეთ. უხერხულ ვარენ-და, თოლს ქინაჯინ მიდგას ურაგადუქინ თის.