მა-11 ნაწილიშ შესავალ
თე ნაწილს გარჩიებულ იჸუაფ მონაკვეთეფ ქრისტიანულ-ბერძნულ წერილეფშე. იესოქ დებად ართ უბრალო ოჯახის, ნამუთ ჭიჭე ქალაქის ცხოვრენდჷ. თის თანდაბალ მშობლეფ ჸუნდჷ. იესო მუამუშის ელურდჷ; თინა ჯაშ მოხელე რდჷ. იესო მომავალს ადამიანეფს დერსხენდ. იეჰოვაქ თინა მუშ ზეციერ სამეფოშ მეფეთ გიშეგორ. მშობლეფ, ქიმეხვარით სქუალეფს, ქოძირან, მუ დაკვირებულო გიშაგორ იეჰოვაქ თი ოჯახ დო გარემო, სოდეთ იესო მირდუდ. ყურადღება ქიმიაქცით, მუჭო თხილუ იეჰოვაქ იესო, მუჟამსით ჰეროდეს თიშ ჸვილუა ოკოდ დო მუჭო იძირე, ნამდა იეჰოვაშ ნებაშა მუთუნს ვეწარინე. ქიგეგით, მუჭო გიშაგორ იეჰოვაქ იოანე, ნამდა შარა მამზადუკო იესოშო. ყურადღება თის ხოლო ქიმიაქცით, მუჭო ოძირუ იესოქ ბაღანობაშე მოჸუნაფილ, ნამდა უჸორდჷ იეჰოვაშ სიბრძნე.