მა-7 ნაწილიშ შესავალ
თე ნაწილს გარჩიებულ იჸუაფ 80 წანიან პერიოდ დო ქიგებგენთ მეფე საულიშ დო მეფე დავითიშ ისტორიეფს. დუდშე საულ თანდაბალ დო ღორონთიშმოშიშ კოჩ რდჷ, მარა მალას თიქ დითირ დო ვეკორინუ იეჰოვაშ ხელმძღვანელობაშ მეჸუნა. იეჰოვაქ ხოლო ვარია თქუ თიშე დო დროშ მიკულაშ უკულ, სამუელს მითითება მეჩჷ, ნამდა ისრაელიშ ახალ მეფეთ დავით გეგშეგორუკო. საულს დავითიშ ონჯარუდ დო ბრელშა მინდომ თიშ ჸვილუა, მარა დავითის დღას ვეგნუგაფ მანგიორ. საულიშ ქომოლსქუას, იონათანს, უჩქუდ, ნამდა იეჰოვას დავით აფუდ მეფეთ გიშაგორილ, ათეშენ თინა დავითიშ ართგურ რდჷ. დავითიქ მუსხირენშა სერიოზულო შეცოდ, მარა დღას ვა უთქუალ ვარია იეჰოვაშე მეღებულ გეწურაფაშე, ნამუთ თიშ გიშასწორებას ომსახურუდ. მშობლეფ, ქიმეხვარით სქუალეფს, ქოძირან, მუზმათ მნიშვნელოვან რე, ირიათო ქიმიაჸუნან ღორონთიშ არძანერ მითითებას.