ოსურკოჩ ინჭაწკუმა

პასექიშ უკულ იესო დო თიშ მოწაფეეფ სამარიათ გალილეაშა ირთუდეს. იესოქ ქალაქ სიქარიშ ხოლოს ართ ადგილს, იაკობიშ ინჭაწკუმა, გაჩერდჷ. თექ ისვანჯუდუნ იზმა ხანს, მოწაფეეფქ ოჭკუმალიშ ოჸიდირშა ქალაქშა მიდართეს.

ინჭაწკუმა ართ ოსურკოჩიქ წყარიშ ეშაღალშა ქუმორთჷ. იესოქ თის უწუ, წყარ ქოფჩია. ოსურკოჩიქ უპასუხ: მუშენ მირაგადუქ? მა სამარიელ ოსურკოჩ ვორექ. იუდეველეფ სამარიელეფს ვა ურაგადუნა. იესოქ თის უპასუხ: მი ვორექ, ქუგორჩქინასინ, აშო ქოფთხინდ წყარ ქოფჩია დო სიცოცხლეშ წყარს ქიმერჩანდ. ოსურკოჩიქ კითხჷ: მუჭო მუჩანქ? წყარიშ ეშაღალარო ჭკუდ ხოლო ვაიღ. იესოქ უპასუხ: მით თი წყარს შუნსჷ, ნამდგას მა მეფჩანქ, დღას ვა მაჸუმენე. თიმწკუმა ოსურკოჩიქ უწუ: „ბატონ, ქომუჩ თე წყარ“.

უკულ იესოქ თის უწუ: სქან ქომონჯ ქიმიჸუნ. ოსურკოჩიქ უპასუხ: ქომონჯ ვა პჸუნსჷ. იესოქ უწუ: მართალს იჩიებუქ, მუშენდა ხუთშა რდი გათხილ დო ასე თიცალ კოჩწკუმა ცხოვრენქ, მით სქან ქომონჯ ვა რე. ოსურკოჩიქ უპასუხ: ვორწყექ, ნამდა წინასწარმეტყველ რექჷ. ჩქიმ ხალხის წანსჷ, ნამდა შემლებუნა ღორონთის თე გვალას ფცათჷ თაყვან, მარა იუდეველეფ იჩიებუნა, ნამდა თის ხვალე იერუსალიმს ოკო ფცათია თაყვან. ბჯერსჷ, მუჟამსით მესია ქუმურს, ქუდმოგურუანა, მუჭო ფცათჷ ღორონთის თაყვან. უკულ იესოქ თე ოსურკოჩის თიცალ მუდგარენ გაუცხად, მუთ მითინშა ვა აფუდ ნარაგად. თიქ უწუ: მა ვორექ მესია.

ოსურკოჩიქ თენა ქიგეგუნ, მუშ ქალაქშა მიდერულ დო სამარიელეფს უწუ: მა ფიფქრენქ, მესია ბძირჷ. თის ჩქიმიშ გურშენ ირფელ უჩქჷ. მოლართით დო თქვან თოლით ქოძირით! თინეფქ ხოლო ქეკაჸუნეს, ინჭაწკუმა ქიმერთეს დო იესოს ურჩქილედეს.

სამარიელეფქ იესოს თხუეს, ნამდა მუნეფიშ ქალაქის ქუდოსქიდუკო. იესოქ ჟირ დღას ქუდოსქიდ თექ დო ხალხის ოგურუანდჷ. შედეგო ბრელქ ირწმუნ თინა. ხალხ სამარიელ ოსურკოჩის ურაგადუდ: თე კოჩიშ მორჩქილაფაშ უკულ დებრწმუნით, ნამდა თინა მართალო თე ქიანაშ მარსხებელ რე.