იეჰოვაქ გამანგარ ელია

იზებელქ ქიგეგ, მუქ აღოლეს ბაალიშ წინასწარმეტყველეფს დო მანგარო გერისხჷ. თიქ ელიას ქიმუჩინ: ჭუმან ბაალიშ წინასწარმეტყველეფცალო, სი ხოლო ღურელ იჸიქ. ელიაქ შიშის ქენოლ დო უდაბნოშა ინტჷ. თიქ ილოც დო ღორონთის უწუ: იეჰოვა, მეტ ვეშემლებ. რთხინქჷ, დოპჸვილ. ირნერო შულადირ ელიას ჯაშ თუდო ქეგთარულ.

ანგელოზიქ ქიმერთჷ თიშა, გაკურცხინუ დო გემუანო უწუ: გედირთ დო ოჭკუმ. ელიაქ მიკიჯინ დო ქოძირ, ნამდა ჩხე ქუალეფს ქობალ გეძუდ დო გვერდით წყარ ელუდგუდ. თიქ ოჭკუმ, წყარ გეშვჷ დო კინ ქიდირულუ. ანგელოზიქ კინ გაკურცხინუ თინა დო უწუ: ოჭკუმ, შორ შარა გაფჷ ოულარ დო ძალა გოსაჭირ. თაშ ნამდა, ელიაქ კინ ოჭკუმ. უკულ თიქ შარას ქიგიოდირთჷ დო 40 დღა დო სერს მიშჷ. ბოლოს ხორებიშ გვალას ქიმიოდირთჷ. თექ ფოთქვშა მინილ დო ქიდირულუ. მარა იეჰოვაქ თის უწუ: თაქ მუს ორთუქ, ელია? ელიაქ უპასუხ: ისრაელეფქ ვეშასრულეს სქანდა მოჩამილ პირობა. თინეფქ მოსპეს სქან სამსხვერპლოეფ, დოჸვილეს სქან წინასწარმეტყველეფ დო ასე ჩქიმ ჸვილუა ხოლო ოკონა.

იეჰოვაქ თის უწუ, ნამდა ფოთქვშე გეგმორთუკო დო გვალას ქიგმადირთუკო. ფოთქვშე დიო ძალიერ ბორიაქ დოუმბარ, თის დიხანწალუაქ ქუმაჸუნ დო დიხანწალუას – დაჩხირქ. ბოლოს ელიაქ მშვიდ დო დაბალ ხონარ ქიგეგონ. თიქ სახე მუშ გინაქუნალით დიფორ დო ფოთქვიშ მინალწკუმა ქიგედირთჷ. უკულ იეჰოვაქ კითხჷ, მუშენ მინტებუქია. ელიაქ უპასუხ: აკა მა დოფსქიდ სქან მსახურქ. მარა იეჰოვაქ უწუ: ხვალე ვა რექჷ. ისრაელს ხოლო 7000 მსახურ პჸუნსჷ. მეუ დო სქან უკულ წინასწარმეტყველო ელისე ქიგიორინე. ელიაქ ხეთე მიდართჷ დო გაკეთ, მუთ იეჰოვაქ უწუ. სქან აზრით, სი ხოლო ქიმგეხვარებუნო იეჰოვა, მუჟამსით თის გაკეთენქ, მუთ მუს ოკო? მუშო ოკო რაგად, ქიმგეხვარებ. მორთ ქიგებგათ, ხოლო მუქ მოხვად გოლოფაშ დროს.