დავით დო გოლიათ

იეჰოვაქ სამუელს უწუ: მეუ იესეშ ჸუდეშა, თიშ ართ-ართ სქუა იჸუაფ ისრაელიშ ახალ მეფე. სამუელქ ხოლო მიდართჷ. მეულირს იესეშ უნჩაშ ქომოლსქუა ქოძირუნ, იფიქრჷ, ალბათ თენა იჸუაფუნია. მარა იეჰოვაქ უწუ სამუელს, ნამდა თინა ვა აფუდ გიშაგორილ დო თქუ: მა კოჩიშ გურს ვოკვირუქ დო ვართ ხოლო თიშ მეჯინას.

იესექ სამუელს ხოლო ამშვ ქომოლსქუა ქაძირუ, მარა სამუელქ უწუ: იეჰოვას თენეფშე ნამთინ ვა აფჷ გიშაგორილ. შხვა ქომოლსქუალეფ ვა რჸუნსო? იესექ უპასუხ: ხოლო ართ პჸუნსჷ, უკლაშ ბოშ, დავით. თინა ჩქიმ შხურეფს ჭყიშანს. მუჟამსით დავითიქ დირთჷ, იეჰოვაქ სამუელს უწუ: თენა მაფჷ გიშაგორილ. სამუელქ დავითის დუდის ზეთ ქიგიობ თიშ ნიშანო, ნამდა თინა ისრაელიშ უკულიან მეფე იჸუაფუდ.

დრო-ხანიშ მიკულაშ უკულ ფილისტიმელეფქ დო ისრაელეფქ ართიანწკუმა ობრძოლებშა გეგშართეს. ფილისტიმელეფს ართ ქიანაშმადიდა მებრძოლ ჸუნდეს, ნამდგას გოლიათ ჯოხოდ. თინა ირიათო გაძიცანდჷ ისრაელეფს დო ღვარანდჷ: ქუმომშქვით მიდგაინ, მიდგას აბრძოლებე ჩქიმდა. ქიგმორჯგინანს-და, მონათ გეიდირთუთ, მარა მა ქიგვორჯგინანქ-და, თქვა იჸუაფუთ ჩქინ მონეფ.

დავითიქ ისრაელ ჯარიშკოჩეფიშ ბანაკშა ქიმერთჷ დო მუშ ჯიმალეფს ოჭკუმალ ქიმუღ. თიშ ჯიმალეფ ჯარიშკოჩეფ რდესჷ. თე დროს დავითიქ გოლიათიშ სიტყვეფ ქიგეგონ დო თქუ: მა ქივებრძოლებუქ თის! მეფე საულქ უწუ: სი ხომ დიო ბაღანა ბოშ რექჷ?! დავითიქ უპასუხ: იეჰოვა ქიმმეხვარებ.

საულს ოკოდ, დავით ოჩხუპებშა მუშ საბრძოლო მონწყილობათ გოუტუკო, მარა დავითიქ უწუ: ათაშ ვა მაბრძოლებე. თიქ მუშ შურდულ გეჭოფ, რობუშა მიდართჷ, ხუთ კვარკვალია ქუა გეგშეგორ დო ჩახვიაშა ქენინწყუ. უკულ გოლიათჸურე მიდერულ. გოლიათიქ გეუღვარუ: აშო მორთჷ, ჭიჭე ბოშ. სქან ხორცის ფრინველეფიშ დო ტყარ ცხოველეფიშ ოჭკუმალო გინვოშქვანქ. დავითის ვაშქურნებ დო უპასუხ: სი ყამათ დო ჭვირთით გიშმურქ, მარა მა იეჰოვაშ სახელით გიშმურქ. სი ჩქინ წინააღმდეგ ვარინ, ღორონთიშ წინააღმდეგ ბრძოლენქ. არძა ქოძირუნს, ნამდა იეჰოვა ყამაშე დო ჭვირთშე უმოს ძალიერ რე. თინა ქეშამიჸოთანა ხეშა თქვან დუდის.

დავითიქ ქუა შურდულს ქინოდვჷ დო მთელ ძალათ მირქუ. იეჰოვაშ მოხვარათ ქუაქ გოლიათის პირდაპირ ჸვას ქუმოხვად. გოლიათიქ დიხას ქაშანთხჷ დო დოღურ. ფილისტიმელეფქ დუდიშ ორსხებელო ინტეს. სი ხოლო ქანდუქო იეჰოვას თეშ, მუჭოთ დავით ონდუდ?