მუჭო დევეახლოვათ ღორონთის?

1. არძა ლოცვას ირჩქილენო ღორონთი?

ღორონთის ოკო, არძა ადამიანქ ლოცვათი დეახლოვას თის (ფსალმუნი 65:2). მარა თინა არძაშ ლოცვას ვაურჩქილე. მაგალთო, ღორონთი ვაპასუხენს თი ქომოლკოჩეფიშ ლოცვას, ნამუთ ოსურეფს გლახათ ოქცუნა (1 პეტრე 3:7). მუჟამს ისრაელეფი ღორონთიშ წინააღმდეგ მიშეს, ღორონთი თინეფიშ ლოცვას ვაურჩქილედ. ფაქტი რე, ნამდა ლოცვა დიდ პატი რე. ქინანიენადა, იეჰოვა თინეფიშ ლოცვეფს ხოლო ირჩქილუაფუ, მიდგა სერიოზულო ცოდენს. წეკითხით ესაიაშ 1:15; 55:7.

ქუჯინით ვიდეოს „არძანერ ლოცვას ურჩქილენო ღორონთ?“

2. მუჭო ოკო იბლოცათ?

ლოცვა ჩქინი თაყვანიშმცემლობაშ ნაწილი რე, ათეშგურშენი ლოცვათ ხვალე ჩქინი გუმარჩქინალს, იეჰოვას, ოკო მიბმართათ (მათე 4:10; 6:9). ჩქი არასრულყოფილეფი ვორეთ დო ათეშენი, იესოშ სახელით ოკო იბლოცათ, მუშენდა იესოქ ჩქინი ცოდვეფიშ გურშენი ღურუ (იოანე 14:6). იეჰოვას ვაკო დაზეპირებული, ვარდა მიდგარენიშ ნაჭარა ლოცვეფი იმეობრათ. ღორონთის მოწონს, მუჟამს ალალი დო სუფთა გურით ურაგადუთ. წეკითხით მათეშ 6:7; ფილიპელეფიშ 4:6, 7.

ჩქინი გუმარჩქინალი თი დროს ხოლო მირჩქილენა, მუჟამს გურს ბლოცულენთ (1 სამუელი 1:12, 13). თინა მზათ რე, მომრჩქილუან მუდგა დროს — ოჭმარეს, ონჯუას, ოჭკუმალიშ ჭკომუაშა დო შხვადოშხვა პრობლემეფიშ დროს. წეკითხით ფსალმუნიშ 55:22; მათეშ 15:36.

3. მუშენი იშაყარუნა ქრისტიანეფი ართო?

ღორონთწკუმა დაახლოება ვარე ეფი, მუშენდა ჩქი ფცხოვრენთ თიჯგურა ხალხწკუმა, ნამუთ ორკუ რწმენა დო ოძიცეთ ვაბაღუ ღორონთიშ დაპირება დედამიწაწკუმა დაკავშირებით (2 ტიმოთე 3:1, 4; 2 პეტრე 3:3, 13). ათეშგურშენი აუცილებელო მოსაჭირუნა თანამორწმუნეეფწკუმა ურთიერთობა. წეკითხით ებრაელეფიშ 10:24, 25.

ღორონთიშ მოჸოროფე ხალხწკუმა ურთიერთობა მაახლოვენა ღორონთწკუმა. იეჰოვაშ მოწმეეფიშ კრებეფი არძაში უჯგუში ადგილი რე, სოდე შეულებუნა ადამიანეფს ართიანიშ გურიშ ეკინა. წეკითხით რომაელეფიშ 1:11, 12.

4. მუჭო დევეახლოვათ ღორონთის?

ღორონთწკუმა დაახლოებას დეგეხმარებუნა ბიბლიაშ კითხირი დო ნაკითხერშე ფიქრი. ქიფიქრით, მუ შეილებუნა იგურუათ ღორონთიშ საქმეეფშე, რჩევეფი დო დაპირებეფშე. შურდოგურით ლოცვა დო ფიქრი ქუგოძირანა, მუნერი უსაზღვრო ჸოროფა დო სიბრძნეშ მენდული რე ღორონთი. წეკითხით იესო ნავეშ ძე 1:8; ფსალმუნიშ 1:1—3.

ღორონთის დუდს ქიმიანდენთდა, დეახლოებუთ თის. რწმენა ცოცხალი ორგანიზმიჯგუა რე დო კვება ოსაჭირ. თქვა ხოლო ირიათო ოკო კვებათ თქვანი რწმენა დო იფიქრათ თიშე, მუდგაქ თქვანი რწმენაშ სისწორეშა დაგარწმუნეს. წეკითხით მათეშ 4:4; ებრაელეფიშ 11:1, 6.

5. მუს მომღანა ღორონთწკუმა დაახლოება?

იეჰოვა ზრუნენს მუში მოჸოროფე ხალხშო. ღორონთის შეულებუ თინეფიშ დაცვა რწმენაშ ირნერი განსაცდელეფიშ დროს (ფსალმუნი 91:1, 2, 7—10). ღორონთი მაფრთხილენა, ვერიდათ თიცალ საქმეეფს, ნამუთ ოცილუ ჯამრთელობას დო მიდამღანა ბედნიერებას. ნამდვილო, იეჰოვა არძაშ უჯგუში შარას მოგურუანა. წეკითხით ფსალმუნიშ 73:27, 28; იაკობიშ 4:4, 8.